Bəşəriyyətin qarşısında duran ən böyük təhlükə təbii sərvətlərin tükənməsidir. Artıq bir çox ölkədə dünyanın illik istifadə etməli olduğu təbii sərvətləri tükənib. Bu isə o deməkdir ki, gün keçdikcə planetin ömrü azalır. Ümumiyyətlə insanların ehtiyacları qeyri-məhdud olsa da, dünyanın resursları məhduddur. Resurslar o qədər məhduddur ki, artıq 1 illik ehtiyat tamamilə tükənib. Ən qorxuncu odur ki, biz artıq hər il bu resursları daha çox tükədirik. Hər geridə qoyduğumuz gün təhlükə böyüyür. Beləliklə, 1 il üçün nəzərdə tutulan ehtiyat 214 günə tükədilib və ya başqa sözlə dünyadakı ehtiyat 1 illik period ərzində özünü yeniləyə bilməyib. İstehlak nisbətimiz olması lazım olandan az qala 30% daha çoxdur.
Artıq hər istifadə olunan resurs 2024-cü ildə istifadə olunmalı olan resurslardır. Yəni dünyanın illik təbii sərvətləri bu il üçün tamamilə tükənib. Əgər biz təxminən 50 il əvvələ nəzər yetirsək istehlak olunan illik təbii sərvət miqdarının hər il artdığını bariz şəkildə görə bilərik. 70-ci illərdən bəri bəşəriyyət əlində olan sərvətlərlə yetinmir və gələcək ildə istifadə etməli olduğu sərvətlərə göz dikir. İlk belə hal isə 1971-ci 25 dekabr tarixində baş verib. Lakin təəssüf ki, artıq yəni təxminən 50 il sonra insanlar ilin ortasında illik miqdarı istehlak edirlər. Biz həddindən artıq təbii sərvətin istifadə olunmasını meşələrin qırılmasının sürətləndirilməsində, okeanlarda balıq ovunun daha da genişlənməsində görə bilərik. Həmçinin səmərəsiz torpaq istifadəsi və çirklənmə də bunlara misal ola bilər.
Maraqlısı budur ki, ötən il illik resurslarını ilk bitirən ölkə Qətər olub. Dünyanın ən çox neft çıxaran ölkəsi ötən ilin fevral ayının 10-da illik təbii sərvətini bitirib. Siyahıda sonuncu sırada isə Jamaika var. Belə ki, Jamaika 20 dekabr tarixində təbii sərvətini bitirib. Təəssüf ki, siyahıda qonşu və qardaş ölkə olan Türkiyə də var. Belə ki, Türkiyə iyun ayının 22-sində öz resurslarını bitirərək siyahıda yer alıb. Ümumiyyətlə bu problemin qarşısını almaq üçün bərpa olunan enerji istehlakı, ağıllı şəhərlərin sayı artmalıdır. Bundan əlavə karbon çirklənməsində də müəyyən məhdudiyyətlər tətbiq olunmalıdır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
