Dünyanın ən böyük kruiz gəmisi Florida ştatının Mayami şəhərindən ilk səyahətinə çıxıb, lakin gəminin metan emissiyası ilə bağlı bəzi narahatlıqlar mövcuddur. 365 metr uzunluğunda olan “Dənizlərin İkonu” adlanan kruiz gəmisi 20 göyərtəyə sahibdir və 7600 sərnişin daşıma qabiliyyətinə malidir. Qeyd edək ki, gəmi Royal Caribbean Group-a məxsusdur. Məhz bu gəminin ilk səyahəti də Mayami şəhərindən Karib dənizinə olub. Beləliklə Dənizin İkonu 7 günlük Karib dənizi turuna çıxır.
Ekoloqlar, mayeləşdirilmiş təbii qazla işləyən gəminin havaya zərərli metan qazı emissiya edəcəyi ilə bağlı xəbərdarlıqlar edir. Finlandiyanın Turku şəhərindəki gəmiqayırma zavodunda inşa edilən, Baham adaları bayrağı altında üzən gəmidə yeddi üzgüçülük hovuzu və altı su sürüşgəninə sahibdir. Nə az, nə çox 2 milyard dollara başa gələn bu gəminin daxilində 40-dan çox restoran, bar və istirahət otağı mövcuddur. Ümumiyyətlə gəminin istifadə etdiyi mayeləşdirilmiş təbii qaz və ya LNG ənənəvi dənizçilik yanacaqlarından daha təmiz yansa da, bəzi qazların xüsusilə metan qazının atmosferə buraxılmasına səbəb ola bilər.
Təmiz Nəqliyyat üzrə Beynəlxalq Şuranın (ICCT) Dəniz Proqramının direktoru Bryan Comer açıqlamsında bildirib, “Təxmin edirik ki, LNG-nin dəniz yanacağı kimi istifadəsi dəniz qaz neftindən 120% daha çox istixana qazı emissiyaları buraxır”. Həmçinin şura bu həftənin əvvəlində də, LNG yanacağı ilə işləyən gəmilərdən metan emissiyalarının mövcud qaydaların nəzərdə tutduğundan daha yüksək olduğunu iddia edən bir hesabat dərc etdi. Royal Caribbean bildirir ki, “İcon of the Seas” Beynəlxalq Dəniz Təşkilatının müasir gəmilər üçün proqnozlaşdırdığı enerjidən 24% daha səmərəlidir.
