Ukrayna Müdafiə Nazirliyinin Kəşfiyyat İdarəsi Rusiya tərəfindən Türkiyəni hədəf alan “Deepfake” əsaslı kiberhücum cəhdi ilə bağlı açıqlama yayıb. Ruslar Ukraynanın Baş naziri Denis Şmiqalın “Deepfake” görüntüsündən istifadə edərək Baykar şirkətinin baş direktoru Haluk Bayraktarla görüşmək istəyiblər. Əgər “Deepfake” texnologiyasının nə olduğunu bilmirsinizsə, bu texnologiyadan istifadə edən proqramlar əsasən 2 süni intellekt sistemindən ibarətdir. Bu sistemlərdən birincisi saxta görüntüsü hazırlanacaq şəxsin bir çox şəklini skan edir və digər tərəfə kopyalayır. İkinci süni intellekt isə hər iki görüntünü qarşılaşdıraraq aralarındakı oxşarlıq faizini hesablayır. Bənzətmədiklərini yenidən skan edir və hazırlaya biləcəyi ən yaxşı versiyaya qədər bu proses davam edir. Bu barədə daha ətraflı “Deepfake texnologiyası nədir? Necə işləyir?” adlı məqaləmizə baxa bilərsiniz.
Ukrayna ləhcəsində “бабине літо” ifadəsini səsləndirmək əvəzinə, rus ləhcəsində “бабьє лєто” deyən şəxs videonun “Deepfake” ilə göstərildiyini ortaya qoyub
Vəziyyət barədə xəbər alan Ukrayna kəşfiyyatı görüşə Baykar nümayəndəsi kimi daxil olub. Qarşı tərəfin “Deepfake” görüntüsü kifayət qədər real olsa da, qarşı tərəfdəki şəxs öz nitqində bir neçə dəfə rus dilli xətalara yer verdiyi üçün özünü tamamilə ifşa edib. Kəşfiyyat İdarəsindən verilən açıqlamaya görə, Şmiqal kimi geyinən və üzü “Deepfake” ilə dəyişdirilən şəxs “babıne lito” kimi tələffüz edilən sözü “babi leto” kimi ifadə edib. Rus agentinin danışığı zamanı başqa xırda tələffüz səhvləri də müşahidə edilib.
Baykar şirkəti ilə onlayn görüşün sonunda qarşı tərəfə “Deepfake” texnologiyasının aşkarlandığı və cinayət məsuliyyətinə cəlb olunacaqları deyilib. Lakin böyük bir ehtimalla qarşı tərəf də Rus kəşfiyyatına aid ola biləcəyindən həmin şəxsin kimliyi aşkarlanmaya bilər. Ukrayna Kəşfiyyat İdarəsi xüsusilə tələffüz səhvləri nəzərən Rus agentlərinin necə qeyri-peşəkar və savadsız insanlar tərəfindən idarə olunduğuna da diqqət çəkib.
