Dünyanın ən yaxşı futbolçularından biri olaraq qəbul edilən Cristiano Ronalda çoxsaylı rekordlarına birini daha əlavə edib. Belə ki, Cristiano ötən gün 636 milyon izləyicisi olan Instagram hesabından YouTube kanalı açdığını bildirib və kanal sadəcə bir saat ərzində 624 min abunəçiyə çataraq rekord qırıb.
Səudiyyə Ərəbistanı liqasında “Əl-Nassr”da çıxış edən məşhur futbolçu indi YouTube sahəsinə də atılıb. Qeyd edək ki, Cristiano Ronalda öz YouTube səhifəsində sadəcə bir neçə dəqiqəlik qısa videolar paylaşıb. Maraqlısı budur ki, hələ 24 saat olmamış onun kanalındakı abunəçi sayı artıq 14 milyonu ötüb. Portuqaliyalı futbol əfsanəsi Cristiano Ronaldo sosial media hesabında YouTube kanalının adının UR Cristiano olduğunu da açıqlayıb.
Qeyd edək ki, Cristiano öz kanalında ailə, sağlamlıq və qidalanma, eləcə də futbol kimi mövzularda videolar çəkəcəyini açıqlayıb. Məşhur futbolçunun kanalında artıq 18 videosu var. Abunəçilərin sayı isə sürətlə artamağa davam edir. Ötən saatlarda YouTube futbol əfsanəsinə artıq 1 milyon abunəsinin şərəfinə hədiyyə də göndərib. Məhz Ronaldo YouTube tarixində ilk dəfə 1 saat ərzində 624 min izləyici toplayan ilk şəxs olaraq da tarixə keçib. Hələlik isə Ronaldo hədəfinin nə qədər abunəçi sayına çatmaq olduğunu açıqlamayıb.
