Dünyanın ən böyük və ən məşhur layihələrindən biri olan Cities and Memory, zaman keçdikcə yoxa çıxan səslərdən ibarət Qırmızı Kitab hazırlayıb. Qeyd edək ki, dünyadakı bütün səsləri 1 səsdə cəmləməyi hədəfləyən layihə tədricən yoxa çıxan və ya itən səslərdən ibarət siyahı dərc edib. Belə ki, müasir dövrdə hər gün minlərlə fərqli səs eşidən insanlar, gün keçdilcə nadir səsləri unutmağa başlayır. Layihənin yaradıcısı olan Stuart Fawkes bildirib ki, layihənin də əsas məqsədi elə məhz bu nadir və qədim səsləri qorumaqdır.
Dünyanın ən məşhur saytlarından biri olan Cities and Memory saytında dərc olunmuş nadir səslərdən ibarət siyahıda bir çox qədim cihazdan tutmuş təbiətə qədər bütün nadir səslər mövcuddur. Qeyd edək ki, bu saytda yalnız nadir səslərdən ibarət siyahı mövcud deyil. Dünyadakı bütün səsləri sadəcə 1 yerdə toplamağa çalışan saytda, müxtəlif ölkələrdən olan 5000 səsdən ibarət interaktiv xəritə də mövcuddur. Bu xəritədə insanlar Zelenoqrad yaxınlığında olan qatar stansiyasından qalxan qatarın səsini belə dinləyə bilər. Belə ki, bu siyahıda Nokia musiqisindən tutmuş, Opel Astra F əl əyləcinin açılmasının səsinə qədər, hətta Canon SLR kameralarının düymələrinə toxunarkən çıxan səsə qədər nadir və nostaljik səslər mövcuddur.
Cities and Memory saytında dərc olunan nadir səslərdən ibarət siyahıda, artıq 150 nadir səsə qulaq asmaq mümkündür. Qeyd edək ki, bu siyahıda olan səsləri dinləmək sizə bəzi nostaljik hisslər yaşada bilər çünki, bu siyahıdakı səslər nadir və tədricən yoxa çıxan səslərdir.
