“Nature Photonics” jurnalı, Hefei şəhərindəki Çin Elm və Texnologiya Universitetinin alimlərinin milyonlarla il ərzində məlumatların saxlanmasına imkan verən yüksək sıxlıqlı optik qeyd texnologiyasını təqdim etdikləri məqalə dərc edib. Belə ki, məqaləyə görə, Çinli alimlər məlumatları almazlarda saxlamağı təklif edirlər. Bunun səbəbi kimi isə DVD ölçüsündə olan bir almaz diskin normal DVD-dən 10 min dəfə çox sıxlığa sahib olduğu bildirilir.
Ümumiyyətlə, alimlərə görə n uzunmüddətli məlumat saxlama texnologiyası hələ başlanğıc mərhələsindədir. Bəlkə də, bu sahədə ən qabaqcıl həll yolu təmiz qızılla örtülmüş CD disklərin istehsalı olub. Ümumiyyətlə, optik yaddaşın kifayət qədər davamlı olmadığı sübut edilib və bununla yanaşı holoqrafik məlumat saxlama kimi alternativlər köhnəlib. Bununla belə, alimlər tərəfindən yüksək tutumlu, uzunmüddətli rəqəmsal yaddaş mühiti yaratmaq cəhdləri davam edir. Bu mühit kvars şüşəsi və ya almaz ilə qurula bilər. Almaz, yüksək optik keyfiyyətlərlə yanaşı həm dayanıqlılıq, həm uzun müddət saxlanılması vəd edir. Hətta, Çinlilər bu səbəblərə görə məlumatları almazlarda saxlamağı təklif edirlər.
Çinli tədqiqatçılar hesab edirlər ki, onların texnologiyasından istifadə edərək yaratdıqları almaz saxlanılan məlumatları milyonlarla il qoruya bilər. Məlumatların yazılması və oxunması üçün təxmini 200 fs sürətə sahib olan ultrafast lazerlərdən istifadə olunur. Belə ki, lazer karbon atomlarını kristal qəfəsdən çıxarır və almazın atom quruluşundakı məlumatları kodlaşdırır. Bu gün məlumatların bu şəkildə qeyd edilməsi mürəkkəb və çətin laboratoriya avadanlığı tələb etsə də, tərtibatçılar gələcəkdə hər şeyi “mikrodalğalı soba” ölçüsündə bir masaüstü cihaza yığmağın mümkün olacağına inanırlar.
