IEEE Journal of Solid-State Circuits jurnalında École Polytechnique Fédérale de Lausanne-dan olan alimlərin, beyin siqnallarından əl ilə yazılmış hərfləri tez və 91% dəqiqliklə tanıya bilən neyroçip yaratdıqlarını bildirirlər. Lozannalı alimlər tərəfindən hazırlanmış bu çip bir çox parametrlərdə Neuralink çipini əhəmiyyətli dərəcədə üstələyib. Belə ki, İsveçrəli yeni beyin çipi, ağıl oxuma sürəti və dəqiqliyi baxımından Neuralink-i üstələyir.
Əllə yazılmış simvolların təsvirlərinin yaradılması sahəsində beyin fəaliyyətini oxumaq üçün istifadə edilən eksperimental MiBMI çipi müasir Neuralink çipindən 23 dəfə kiçikdir. MiBMI yalnız 8 mm² sahəyə malikdir. Üstəlik, Neuralink çipi kimi onlarla zondun iynələrini sinir toxumasına daxil etmək lazım deyil. Belə ki, bu zondların beyinə implantasiya zamanı Neuralink mütəxəssisləri əsasən onun yapışması və ya sürüşməsi kimi problemlər ilə üzləşirdi. MiBMI beyin qabığının səthindən məlumatı oxuyur, bu da onun işinin düzgünlüyünə təsir etmir.
İsveçrə alimləri əl ilə yazılmış simvolların əqli olaraq tanınması probleminə bir qədər fərqli şəkildə yanaşıblar. Onlar əlifbanın hərflərinə kod birləşmələri və ya sinir markerləri təyin ediblər. Alimlər öz araşdırmalarında müəyyən ediblər ki, xəstələrin hərf yazmağı zehni təmsilləri zamanı bir sıra xüsusi əlamətlər meydana çıxır. Bu siqnallara Diferensial Sinir Kodları (DNC) deyilir. DNC kodları MiBMI çipsetinə yalnız markerləri emal etməyə imkan verən hər hərf üçün bir növ abbreviatur olub. Beləliklə, ənənəvi “fikirlərin” tanınması üsullarında sinir fəaliyyəti haqqında adi minlərlə bayt məlumat əvəzinə hər kod (xarakter) üçün yüz baytlıq sinir siqnalını emal etmək mümkündür. Bu isə, İstifadə olunan sadələşdirmə çipin enerji istehlakını əhəmiyyətli dərəcədə azaldıb və və məlumatların işlənməsini sürətləndirib.
