TIME jurnalı 2024-cü ilin ən vacib 200 yeniliyi arasında elektrik avtobuslar üçün simsiz enerji doldurma texnologiyasını qeyd edib. Beləliklə, avtobuslar üçün simsiz enerji doldurma ilin ixtirası seçilib.
Qeyd edək ki, InductEV adlı şirkət tərəfindən hazırlanmış simsiz enerji doldurma texnologiyası ABŞ-ın müxtəlif ştatlarında istifadə olunur. Aidiyyəti bölmələr və sərnişinlər 2017-ci ildən istifadəyə verilən və son zamanlar geniş yayılan bu texnologiyadan razılıqlarını bildirirlər. Şirkət avtobusları dayanacaqlara yaxınlaşdıqda 450 kVt-a qədər yüksək sürətlə kabelsiz enerji ilə doldurmağa imkan verir. Avtobusların elektrikləşdirilməsi ən çətin məsələlərdən biridir, çünki bir tərəfdən nəhəng yükləri daşımaq, digər tərəfdən isə 18 saat kimi uzun müddətə sərnişin daşımaq lazımdır. Bunu qarşılamaq üçün hələ akkumulyator texnologiyası olmadığı üçün ya avtobusların sayını artıracaqsınız, ya da gün ərzində onları tez-tez dolduracaqsınız.
Onsuz da 1 milyon dollara başa gələn elektrik avtobuslarının sayını artırmaq məntiqli olmadığı üçün ən yaxşı həll yolu marşrutda kabelsiz enerji ilə doldurmaqdır. ABŞ-da ictimai nəqliyyat şirkəti olan InductEV elektriklə işləyən avtobuslar üçün simsiz enerji doldurma sistemini işə salıb. Avtobuslar dayanacaqda gözləyərkən 450 kVt-a qədər sürətlə yüklənir. Avtobuslar üçün hazırlanan simsiz enerji doldurma sistemi 4 müxtəlif blokdan ibarətdir. Üçüncüsü, avtomobilin altına inteqrasiya olunmuş və maqnit sahəsini elektrik enerjisinə çevirən qəbuledici doldurma yastıqları və nəhayət, sürücüyə avtobusu düzləşdirməyə imkan verən avtomobildaxili displeydir.
