Apple şirkəti elə bu yaxınlarda iPhone 14 seriyasının təqdimatı ilə bağlı irqçilik problemləri ilə üzləşmişdi. Buna səbəb isə iPhone 14 reklam videosundakı musiqinin sözlərinin yanlış eşdilməsi idi. Belə ki, “biggest” kəliməsi izləyicilər tərəfindən “nig..s” kimi eşidildiyi üçün Apple ötən ay məcbur qalıb reklam videosundan musiqinin sözlərini yığışdırmalı oldu. İndi isə Apple şirkəti başqa bir irqçilik iddiası ilə üzləşib. İddialara görə Apple Watch ağıllı saatı qara dərili insanlarda qandakı oksigen miqdarını ölçməklə bağlı xətalar edir. Bununla bağlı Apple Watch istifadəçisi Apple şirkətini irqçilik iddiası altında məhkəməyə verib.
Nyu-York məhkəməsində açılan iddiaya görə, Apple Watch modeli tünd dərinin nə qədər tünd olmasında asılı olaraq qanda oksigen ölçülməsində xətalar edir. Yetkin yaşlı insanlar və uşaqlar üçün 95%-100% arası oksigen dəyəri doyma normal, 94%-dən aşağı isə problemli sayılır. Bəzi insanların oksigenlə miqdarı dəyərinin 50%-ə qədər azaldığı, lakin heç bir xəstəlik əlamətləri göstərmədiyi və ölçmələrin yanlış göstərdiyi bildirilir.
2020-ci ildə Apple Watch Series 6 modelindən başlayaraq ağıllı saat sahibləri qanda oksigen səviyyəsini ölçə bilirlər. 2020-ci ildən başlayaraq isə bu saatı işlədiyini deyən istifadəçi saatın səhv ölçmələrini şəxsən sınaqdan keçirdiyini deyir.
Məhkəmə prosesi Nyu-Yorkda açılsa da, Dakota, Vayominq, Aydaho, Alyaska, Ayova, Missisipi, Arkanzas və Şimali Karolina kimi bölgələrdəki Apple Watch istifadəçilərinin məhkəmə prosesinə daxil edilməsi istənilir. Əgər Apple Watch modelinin irqçilik iddiaları doğru çıxarsa, şirkət bütün istifadəçilərə təzminat ödəməli ola bilər. Şirkət bununla bağlı açıqlama verməyib. Lakin digər bir tərəfdən Apple Watch tibbi məqsədlər üçün nəzərdə tutulmadığından məhkəmə prosesi Apple lehinə tamamlana bilər.
