Apple şirkətinin mərhum CEO-su və həmtəsisçisi olan Steve Jobs, namizədlərlə müsahibələrində pivə testi istifadə edirmiş. Ümumiyyətlə iş müsahibəsi dedikdə yəqin ki, hərkəsin ağlına ilk olaraq gərgin şəraitdə ciddi bir şəxs tərəfindən sizə ünvanlanmış onlarla sual gəlir. Lakin siz Apple şirkətində çalışmaq üçün Steve Jobs ilə müsahibəyə daxil olmaq şansı əldə etsəydinin bunun heç də həmişə belə olmadığına şahid olardınız. Çünki, Steve özünəməxsus tərzdə müsahibələr aparırmış.
Bir çoxları üçün müsahibələr formal xaratker daşıyır və bu səbəbdən də gərgin keçir deyə bilərik. Hələ Apple kimi texnologiya dünyasında öz sözünü demiş şirkətlərdə müsahibə keçmək insanlar üçün həqiqətəndə qorxuducu ola bilər. Məhz Jobs da vaxtilə bundan xəbərdar idi və müsahiblərdə yaranan bu gərginliyi dəyişmək istəyirdi. Jobs istəyirdi ki, namizədlər əvvəlcədən əzbərlədikləri şablon cavablar ilə suallara cavab verməsinlər. Hətta Steve bu vərdişi bir növ sındırmaq niyyətində idi. Buna görə də Jobs ənənəvi iş müsahibəsi suallarını bir kənara qoyub müsahibəni sadələşdirməyə qərar vermişdi.
Steve Jobs namizədlərlə müsahibələrində pivə testi olaraq bilinən bir üsuldan istifadə edirmiş. Belə ki, o namizədlərlə gəzintiyə çıxaraq və ya pivə içərək müsahibə aparırdı. Bunun əsas məqsədi isə hərşeyi axarına buraxmaq və namizədin özlüyündə necə birisi olduğunu anlamaq idi. Steve müsahibələrində “Axırıncı dəfə nə vaxt bir iş görmüsən?” və ya “Keçən yay nə etmisiniz?” kimi daha sadə və danışıq xarakterli suallardan istifadə edirdi. Görünən odur ki, Jobs qarşısındakı insanı həqiqətən də yaxından tanımaq istəyirdi.
