20 yaşlı riyaziyyat tələbəsi Hudhayfa Nazoordeen, internetdən aldığı parçalar ilə ev şəraitində öz termonüvə reaktoru konseptini hazırlayıb. Belə ki, onun bu uğuru bütün diqqətləri cəlb etməsinə də səbəb olub.
Ümumiyyətlə, nüvə enerjisi dedikdə ilk ağıla gələnlərdən biri nəhəng atom elektrik stansiyalarıdır. İki yüngül elementi birləşdirərək yeni, ağır elementin meydana çıxması nəticəsində yaranan nüvə enerjisi əslində heç də asan istehsal edilmir. Bununla belə, Hudhayfa Nazoordeen adlı tələbə öz imkanları ilə evdə termonüvə reaktoru konseptini hazırlamağı bacarıb. Təxminən gənc bir insanın yumruğu boyda olan konsept işə salındıqda, isti, parlaq qaza bənzər plazma ilə doldurulur. Bu plazma ilə birləşmə əldə etmək mümkün olmasa belə, plazma mərhələsinə çatmaq nüvə sintezi üçün mühüm addım hesab olunur.
Nazoordeen, əslində daha əvvəl tikinti sahəsində çalışdığını və elektron sistemlərdən heç bir məlumatının olmadığını bildirib. Onu bu layihəyə sövq edən maraq və çətinlik hissi idi. Bu proses zamanı tez-tez mütəxəssislərdən məlumat alan gənc tələbə lazımi hissələri Amazon və eBay kimi platformalardan topladığını bildirib. İnternetdə reaktorun necə qurulacağını araşdırdığını ifadə edən Nazordeen, süni intellekt köməkçisi Claude-dan da dəstək aldığını və köməkçinin xüsusilə “həyatını qurtardığını” ifadə edib. Çünki bu təcrübədə bir şey səhv olarsa, tələbə həyatını itirmək riski ilə üzləşə bilərdi. Nazoordeen bu layihə üçün 2000 dollar xərclədiyini bildirsə də, növbəti məqsədinin nüvə enerjisi istehsal edə biləcək bir sistem qurmaq olduğunu bildirib.
