Günümüzdə bir çox kompüter istifadəçisi termal məcunlardan şikayətlənir. Belə ki, onlar yeni termal məcunların dayanıqlı olmadığını sadəcə bir neçə ay ərzində quruduğunu iddia edir. Bəs bu termal məcunlar ötən illərdə daha dayanıqlı idi? Almaniyada bir kompüter mağazası anbarında unutduğu 20 illik Arctic Cooling silikon termal məcununu möhürlənmiş halda tapıb. Habelə Igor’s Lab əməkdaşları bunu eşitdikdən sonra mağaza ilə danışıqlar aparıblar. Yekun nəticə olaraq isə Intel Pentium 4 prosessorları dövründən qalan bu termal məcun sınaqdan keçirilib.
Termal məcunların dinozavrı adlandıra biləcəyimiz Arctic Cooling dövrümüz üçün çox nadir tapıntıdır. Hətta onun möhürlənmiş və istifadə olunmamış halda olması dəyərini qızıla bərabər edir. İlkin sınaqlara görə məlum oldu ki, tərkibində Arctic Cooling termal məcunu olan şpris çox sağlam qalıb. Habelə onun istifadəsi üçün də heçbir maneə aşkar edilməyib. Habelə qablaşdırmaya əsasən termal məcunun tərkibi 50% silikon, 20% karbon və 30% metal oksiddən ibarət olmalı idi. Lakin mütəxəssislər bu göstəricilərin 50% silikon və 50% sink oksiddən ibarət olduğunu aşkarlayıb. Görünən odur ki, qablaşdırmada qeyd olunan karbon marketoloqların hiyləsi olub.
Igor’s Lab mütəxəssisləri qeyd ediblər ki, dayanıqlılığı ilə xüsusi olaraq seçilən TCTG-4.0 termal məcunu öz xüsusiyyətlərinə görə sınaqdan keçirilmiş 20 illik Arctic Cooling termal məcununa son dərəcə yaxındır. Sonrakı sınaqlar zamanı məlum oldu ki, Pentium 4 dövrünün termal pastası müasir həllərlə rəqabət apara bilməz. Intel Core i9-13900K prosessorunun köhnə Arctic Cooling və müasir Alphacool Apex ilə sınaqdan keçirilməsi zamanı Arctic Cooling 6 dərəcə daha yaxşı nəticə göstərib.
