Quinas Technology-nin 10 milyon təkrar yazma və 1000 il məlumat saxlama imkanı təqdim edən UltraRAM texnologiyası Böyük Britaniyadan 1,1 milyon funt-sterlinq dəstək alaraq həyata keçirilməyə bir addım daha yaxınlaşır.
![1000 il UltraRam](https://tedroid.com/media/2024/07/1000-il-melumat-ultraram-texnologiyasi-1.webp)
Qeyd edək ki, Lancaster və Warwick universitetlərinin mütəxəssisləri tərəfindən hazırlanmış yaddaş texnologiyası olan “UltraRAM”-ı daha effektiv şəkildə inkişaf etdirmək üçün keçən il Quinas Technology adlı yeni təşəbbüs yaradılmışdır. İndi isə, UltraRAM-ın hazırlanmasında iştirak edən Quinas və İngilis yarımkeçirici şirkəti IQE Böyük Britaniya tərəfindən 1,1 milyon funt sterlinq maliyyə dəstəyi ilə mükafatlandırılıb. Beləliklə, 1000 il məlumat saxlaya bilən UltraRAM texnologiyası həyata keçirilməyə bir addım daha yaxınlaşır.
![1000 il UltraRam](https://tedroid.com/media/2024/07/1000-il-melumat-ultraram-texnologiyasi.webp)
DRAM və NAND yaddaş standartlarından istifadə edən UltraRAM ənənəvi həllərlə müqayisədə 1000 il daha uzun məlumat saxlama qabiliyyəti vəd edir. Bunu heç bir güc olmadan edə bilən yeni yaddaş 10 milyon təkrar yazma dövrü də təklif edir. Maraqlısı budur ki, UltraRAM da DRAM-a bənzər sürətlə yazıla və oxuna bilər. Digər tərəfdən, 1,1 milyon funt-sterlinq maliyyə dəstəyi Britaniya hökumətinin texnologiyaya dəstək agentliyi olan Innovate UK-dən gəlir. Bu maliyyə dəstəyinin əsas məqsədi texnologiyanı laboratoriya tədqiqatlarından kütləvi istehsal mərhələsinə keçirməkdir.
Ümumiyyətlə, UltraRAM yaddaş texnologiyası elektronların onların içərisində tutulmasına imkan verən materiallardan hazırlanmış üç fərqli təbəqədən istifadə edir. Elektron axınına nəzarət etmək üçün təbəqələrin ətrafındakı elektrodlardan istifadə etməklə yaddaş hüceyrəsinin aşınması minimuma endirilir və bu, daha çox yazma dövrləri üçün imkan yaradır. Lakin, qeyd etmək lazımdır ki, hazırda UltraRam texnologiyası sadəcə konsept olaraq qalır.