Çinin Xiaomi şirkətinin ilk avtomobili ilə bağlı xəbərlər uzun müddətdir ki, dolaşır və hər dəfə sızıntılar daha da böyüyür. İlk dəfə elektromobili gündəmə gətirən kamuflyajlı fotolar olmuşdu. Dördqapılı sedan olan elektromobil daha sonra qarlı-buzlu ərazidə sınaqdan keçirilərkən görünmüşdü. Bildirilib ki, şirkətin baş icraçı direktoru Lei Jun da kamuflyaj edilən elektromobilin bu sınaq prosesində iştirak edib və o, iki elektromobil ilə baş tutan sınaq prosesində şəxsən nəqliyyat vasitəsini idarə edib. İndi isə Xiaomi şirkətinin MS11 kod adlı ilk elektromobilinin dizaynı paylaşılıb.
Hələlik MS11 adlanan elektromobil həqiqətən iddialı görünür və ilk baxışdan faraları ilə insanlarda McLaren təəssüratı yaradır. İdman üslubuna sahib olan elektomobil, əvvəllər də xəbər verildiyi kimi bazarda Tesla Model 3 ilə rəqib olacaq. Qiyməti 38.000 dollardan başlayacaq. Xiaomi-nin ilk elektromobili üçün iki fərqli versiya hazırladığı deyilir. Birinci modellinin qiyməti konfiqurasiyadan asılı olaraq 38-44 min dollar arasında dəyişəcək. Elektromobildə 400V dəstəkli BYD lityum dəmir fosfat batareya istifadə ediləcək. İkinci versiya 51 min dollardan başlayacaq və 800V CATL Qilin batareyası istifadə ediləcək. Bu batareya əlverişli şəraitdə cəmi 15 dəqiqə ərzində 80% enerji toplaya biləcək.
Xiaomi böyük bir gələcək gördüyü elektromobil bazarına 2024-cü ildə girməyi planlaşdırır. Bu mövzuda digər Çin şirkətləri ilə danışıqlar aparır. Ötən aylarda ortaya çıxan məlumata görə, şirkətin ilk avtomobili avtonom idarəetmə üçün lazer əsaslı LIDAR sensoru ilə təchiz ediləcək. Şirkət bu məsələyə böyük əhəmiyyət verir və uzun müddətdir ki, Pilot Test adlı avtonom sınaq avtomobili ilə real həyatda sınaqlar aparır. Avtonom sürücülük sistemləri üçün 500-dən çox işçisi olan şirkət, böyük sərmayələri ilə 2024-cü ildə bu sektorun lideri olmağı hədəfləyir. İlk elektromobil Qualcomm və NVIDIA imzalı prosessorları ehtiva edəcək və sensorlar baxımından Almaniya mərkəzli Continental ilə işlədiyi iddia edilən Xiaomi şirkətinin ikinci elektromobilinin, deyildiyi kimi 2025-ci ildə satışa çıxarılacağı bildirilir. Bu elektromobil ilk modellə eyni bazaya əsaslanacaq, lakin üç elektrik mühərriki ilə ilk modelldən çox daha güclü olacaq.
Lei Jun
Bu, həyatımın son böyük sahibkarlıq layihəsi olacaq. Mən bütün şəxsi nüfuzumu təhlükəyə atmağa və ağıllı elektromobilimiz üçün mübarizə aparmağa hazıram. Mən Xiaomi elektrik avtomobilinin uğuru üçün bütün mübarizə boyu komandama rəhbərlik etmək əzmindəyəm.
