Son illərdə elektrikli avtomobillərə olan sıx maraq səbəbindən bir çox texnologiya şirkəti bu bazara üz tutub. Keçən il elektrikli avtomobil istehsal edəcək şirkətlərin sırasına Çinın Xiaomi şirkəti də əlavə olundu və işlərini sürətləndirdi. Şirkət 2024-cü ildə Xiaomi Pilot avtonom idarəetmə sistemi ilə təchiz ediləcək ilk elektrik avtomobilini təqdim etməyi planlaşdırır. Hələ gələn il satışa çıxarmağı planlaşdırdığı elektrikli avtomobilinin fotoları isə test sürüşü zamanı sızdırılıb. Belə ki, Çində ictimai yollarda sıx kamuflyajla sınaqdan keçirilən ilk Xiaomi avtomobilinin bəzi texniki xüsusiyyətləri və Çin mənbələrindən alınan qiymət məlumatları paylaşılıb.
Xiaomi şirkətinə aid elektrikli avtomobil nələr təqdim edəcək?
Xiaomi şirkətinə aid bu avtomobil Modena kod adlı tam elektrik sedan olacaq. Əvvəllər nəqliyyat vasitəsinin qiymətinin 22 min ilə 29 min dollar arasında olacağı gözlənilirdisə, indi bu qiymət 38 min ilə 40 min dollara qədər yüksəlib. Açıqlanan məlumata görə, sertifikatlaşdırılan Modena kod adlı elektromobil Qualcomm 8295 platformasına sahib sahib olacaq. Modifikasiya isə iki cür fərqlənəcək. 400 voltluq batareya arxitekturasına malik BYD-nin dəmir-fosfat əsaslı batareyasından ilk modifikasiya güc alacaq. Əlavə olaraq 800 volt batareya arxitekturalı üçüncü bir modelin də olması gözlənilir. Bu, ən bahalı modifikasiya olub 15 dəqiqə ərzində 0%-dən 80%-ə qədər doldura bilən CATL-nin Qilin batareyasına sahib olacaq.
Xiaomi rəhbəri Lei Jun, ilk 5-ə daxil olmaq üçün ildə 10 milyondan çox elektrikli avtomobil satmağı hədəflədiklərini bildirib. Lei Juna görə, elektrikli avtomobil seqmenti yetkinliyə çatdıqda bu bazarın 80 faizinə 5 marka hakim olacaq və Xiaomi də onlardan biri olacaq. Bunu da qeyd edək ki, Xiaomi şirkəti həmçinin 2025-ci ildə buraxılması gözlənilən Le Mans kod adlı başqa bir elektrikli avtomobilin də üzərində işləyir. Le mans kod adlı ikinci model də oxşar batareya arxitekturasından istifadə edəcək. Smartfon istehsalçısı 2021-ci ilin martında elektrikli avtomobil biznesinə 10 milyard dollar sərmayə qoyacağını açıqlamışdı və ilk modelini 2024-cü ildə kütləvi istehsal edəcəyi gözlənilir. Eyni zamanda elektromobilin aşağıdakı Xpeng P7 modeli ilə olduqca bənzərlik təşkil etdiyi görülməkdədir. Ola bilsin ki, sadəcə konstruksiya dəyişikliyi edilmiş, baza variantı Xpeng P7 modelinə əsaslanan bir elektromobil qarşımıza çıxarıla bilər.
