Tesla bu yaxınlarda “dünyada bir ilk” olaraq təqdim etdiyi avtonom avtomobil tədarükü ilə gündəmə gəlmişdi. Belə ki, şirkətin yaydığı videoda Model Y markalı avtomobilin zavoddan tam avtonom, yəni sürücüsüz yeni sahibinə çatdırılması əks olunub. Ancaq məlum oldu ki, hər şey göründüyü qədər mükəmməl planlaşdırılmayıb. Belə ki, videoda Teslanın avtonom modellərinin etdiyi bir səhv onları bir andaca gülüş obyektinə çevirib.
Hər şeyin yolunda getdiyi görünsə də, videonun sonunda diqqətdən yayınmayan bir detal var idi. Avtonom idarə olunan nəqliyyat vasitəsi təyinat yerinə çatanda üzərində “Park etmək qadağandır – Yanğın zolağı” yazılmış qırmızı bordürdə dayanıb. Belə ərazilər təcili tibbi yardım maşınları üçün ayrıldığından burada dayanmaq yol hərəkəti qaydalarına ziddir. Teslanın xüsusi parklanma icazəsi alması mümkün olsa da, bu, daha çox avtopilot sistemindəki səhv və şirkətin PR komandasının diqqətdən kənarda qoyduğu detaldır. Dawn Layihəsinin qurucusu Den O’Dowd, X (Twitter) səhifəsində etdiyi şərhdə Teslanın tanıtım hərəkətini sərt şəkildə tənqid edib.
“Həmişə olduğu kimi, Elon Musk son PR hərəkətində nümayişi ictimai təhlükəsizlikdən ön plana qoyub. Hətta Elon bildirib ki, Teslanın fabrikdən müştəriyə ilk avtonom çatdırılması FSD (Fully Self-Driving) yanğın zolağında qeyri-qanuni parklanması ilə nəticələndi! Səkinin kənarında açıq şəkildə “dayanacaq yoxdur”. Teslanın avtonom sürmə sistemi xüsusilə bu ay Ostində istifadəyə verilən robotaxi xidməti ilə yenidən gündəmə gəlib. Şəhərdə fəaliyyətə başlayan robot taksi xidmətləri ciddi problemlər yaradıb. İnternetdə yayılan videolarda sürücüsüz taksilərin qəflətən əyləc basması, qəzadan azacıq yayınması, sıx yol ayrıclarının ortasında sərnişinləri düşürməsi və tez-tez yol hərəkəti qaydalarını pozması göstərilir.
