Hal-hazırda dünyanın ən böyük enerji doldurma şəbəkəsi məhz elektromobil istehsalçıları arasında Tesla şirkətinə məxsusdur. Belə ki, ABŞ prezidenti Co Baydenin administrasiyası əhalinin elektromobillərə keçidinə təşviq etmək üçün enerji doldurma stansiyaları şəbəkəsini genişləndirmək üçün yeni tədbirlər hazırlayır.
Burada söhbət tam olaraq 7,4 milyard dollarlıq dövlət subsidiyalarının ayrılmasından gedir. Lakin onları almaq üçün enerji doldurma stansiyası təklif edən şirkətlər universal portlar və ödəniş üsulları gətirməli olacaqlar. Bu yerdə isə gözlər Tesla şirkətinə yönəlmiş vəziyyətdədir. Böyük bir ehtimalla 7,4 milyardlıq subsidiyadan heyrətlənmiş şirkət və baş icraçı direktoru Elon Musk, adiminstrasiyanın və daha doğrusu Baydenin təklifinə razılıq verir.
Tesla enerji doldurma stansiyalarının ictimai üçün 2024-cü ilin sonuna qədər prosesin tamamlanması gözlənilir
Sənayedəki digər şirkətlərlə birlikdə Tesla da, Baydenin 2030-cu ilə qədər ABŞ-də 500.000 elektrikli avtomobil üçün şarj məntəqəsi yaratmaq təşəbbüsünü dəstəkləməyə hazır olduğunu bildirir. Xüsusilə, Tesla 2024-cü ilin sonuna qədər ən azı 7500 enerji doldurma stansiyasının digər markaların elektrik avtomobilləri üçün əlçatan olacağını vəd edib. Söhbət, Şimali Amerikada magistral yollar boyunca yerləşən 3,5 min Supercharger (hər biri 250 kVt), həmçinin otel və restoranlarda yerləşən 4 min daha yavaş sürətli şarj stansiyalarından gedir.
Hər bir sürücü şarj stansiyasından yararlanmaq üçün Tesla proqramından və ya veb-saytından istifadə edə biləcək. Lakin Tesla şirkətinin enerji doldurma şəbəkəsini digər elektromobillər üçün necə uyğunlaşdırılacağı məlum deyil. Sadəcə bildirilir ki, Tesla bu dəstəyi vermək üçün texniki imkanlara və proqram təminatına malikdir. Şirkət hətta öz stansiyalarını uyğunlaşdırmaq üçün ABŞ hökuməti tərəfindən dəstək almaqdan əlavə, mənfəət də əldə bilər. Hətta bu ilin əvvəlində Tesla stansiyalarına üçüncü tərəf elektrik avtomobillərini doldurmağa imkan verəcək Magic Dock texnologiyası haqqında şayiələr də yayılmışdı. Şəbəkəsini üçüncü tərəf elektromobillərə açmaq Tesla şirkətinə bu sahədə ABŞ sənaye lideri olmağa imkan verəcək.
Subsidiya çərçivəsində ondan çox şirkət General Motors, Mercedes-Benz, Volvo və Ford da daxil olmaqla 100.000-dən çox ictimai enerji doldurma stansiyası, eləcə də müxtəlif sahələrdə, o cümlədən Starbucks da stansiyalar tikməyə və xidmət göstərməyə hazır olduqlarını bildiriblər. Lakin Tesla şirkəti hazır infrastrukturu ilə elektromobil istehsalçısı olmaqdan əlavə, birbaşa şarj xidməti göstərən nəhəng bir şirkət statusu da ala bilər.
