Teslanın maraqla gözlənilən robot taksi modeli Bakı saatı ilə saat 06:00-da başlayan tədbirdə “Cybercab” rəsmi olaraq təqdim edilib. Sürücüsüz nəqliyyat vasitələri ilə bağlı 10 il ərzində yerinə yetirilməmiş vədlərdən sonra Elon Musk-ın ‘We, Robot’ adlanan tədbirdə hansı yenilikləri təqdim edəcəyi 100 minlərlə insan tərəfindən maraqla gözlənilirdi. Nəhayət Elon bizlərə uzun müddətdir ki, haqqında danışdığı Cybercab modelini təqdim edib.
Elon Musk ‘We, Robot’ adlanan bu tədbirdə bizlər üçün ətraflı məlumat və ya yenilik təqdim etmədi. Teslanın açıqlamasına görə, şirkətin rəsmi olaraq təqdim etdiyi robot taksisi “Cybercab” adlandırılacaq. Habelə, bu avtomobilə öndən baxanda Cybertruck-a bənzəyəcək. Digər tərəfdən isə kəpənək qapılara sahib olacaq avtomobilin arxa hissəsi fastback kimi görünür. Çox sadə dizaynı olan arxa hissə artıq bir ənənəyə çevrilmiş LED işıqlandırma çubuğu ilə təchiz edilib. Eksteryerdə olduğu kimi Teslanın avtonom robotaxi modeli də çox sadə interyer dizaynına malikdir. Avtomobilin içərisində cəmi iki oturacaq və məlumat-əyləncə üçün nəhəng ekran olacaq. Beləliklə, bu elektromobildə daha əvvəl də iddia edildiyi kimi olmaycaq.
Elon bizlərə sadəcə eksteryer və interyeri təqdim edib və mühərrik barədə heç bir məlumat verməyib. Tesla adından danışan milyarder iş adamı İlon Mask avtomobilin çeşidi haqqında da heç nə deməyib. Habelə, iddialara görə yeni elektromobil simsiz və ya induktiv şarj dəstəyinə sahib olacaq. Elon Musk tərəfindən edilən açıqlamaya görə, Tesla Cybercab gələcək illərdə fərdi istehlakçılar tərəfindən də satın alına biləcək. Baş direktorun açıqlamasına görə, bu avtomobilin qiyməti 30 min dollar civarında olacaq. Əlavə olaraq Mask tədbirin keçirildiyi Warner Bros studiyasında cəmi 50 avtonom avtomobilin olduğunu bildirib. Bütün bunlarala yanaşı Cybercab-ın istehsalına 2026-cı ildə başlanacağı gözlənilir. Robot taksi modelləri, hər mil üçün 20 sentə başa gələcək. Qeyd edək ki, tədbirdə əlavə olaraq, 20-yə qədər sərnişin daşıya bilən daha böyük və avtonom avtomobil olan Robovan sərgilənib.
