Texnologiya sürətlə inkişaf etməyə davam edir və artıq avtomobillər süni intellekt ilə çalışan superkompüterlərə çevrilir. Məhz bunun əsas nümunəsi kimi Tesla şirkətinin elektromobillərini misal göstərə biləri. Ötən günlərdə Tesla şirkətinin tam avtonom sürüş funksiyası ilə təchiz edilən elektromobili sahibini təcili olaraq xəstəxanaya çatdırıb. Belə ki, bunun barəsində Maxpaul Franklin sosial şəbəkə hesabından paylaşım edib. Tesla şirkəti isə bunu fürsət bilərək reklam kimi istifadə edib.
Franklin ABŞ-da yaşayan Tesla elektromobili sahiblərindən biridir. O bildirir ki, Tesla şirkəti aprelin 1-də uzun müddətdir gözlənilən tam avtonom sürüş FSD funksiyasını ABŞ-dakı bütün Tesla sahibləri üçün əlçatan edib. Əslində bununla bağlı sosial şəbəkələrdə bir çox mübahisə yaradacaq məzmun paylaşılıb. Qeyd edək ki, istifadəçilərdən bəziləri FSD funksiyasında elektromobilin bəzən yol hərəkəti qaydalarını pozduğunu bildirib. Bunun əsas səbəbi isə süni intellekt əsasında işləyən funksiyanın qarşısındakı sürücüləri izləyərək onları zaman keçdikcə təqlid etməsidir.
İndi isə keçək əsas mövzuya. Franklin Aprelin 2-də gecə saat 02:00-da özünü şiddətli şəkildə susuz hiss edib və onun qan şəkəri 670 hədlərinə yüksəlib. Vaxt itirmədən o, Model Y elektromobilinə yönəlib və sükana iki dəfə toxunaraq tam avtonom sürüş və ya FSD funksiyasını aktivləşdirib. Avtomobil maraqlı bir şəkildə Franklini evindən Təcili Tibbi Yardım məntəqəsinə qədər olan 13 mil yəni, 21 km məsafəni heç bir müdaxilə olmadan qət edib. Hətta avtomobil mənzilə çatarkən sürücüsünə avtonom şəkildə park etmyi də təklif edib. Maxpaul bildirir ki, “Porsche, Mercedes, BMW, Acura və Cadillac kimi dəbdəbəli avtomobillərin sahibi kimi mən Tesla-nı bu gün avtomobil innovasiyasının zirvəsi elan edə bilərəm”.
