Bu gün elektrikli avtomobillər qlobal bazarın önəmli hissəsini təşkil edir. Hətta bir neçə il sonra elektromobillər benzin və dizel mühərrikli avtomobilləri ötəcək. Belə ki, bunun əsas səbəbi elektromobillərin daha qənaətcil və ətraf mühitə zərərsiz olmasıdır. O cümlədən avtomobil nəhəngləri artıq elektrikli avtomobillər üçün yeni texnologiya axtarırlar. Bunlardan biri də italyan avtomobil istehsalçısı Stellantis brendidir. Qeyd edək ki, Stellantis elektromobillərin ən böyük problemlərindən olar batareya çəkisini 50% azaltmağı planlaşdırır.
Əslində batareya çəkisinin azaldılması hazırda da mümkündür. Lakin avtomobil istehsalçıları batareya çəkisini azaltdıqca avtomobillərin mənzili də azalır. Stellantis brendi isə elektromobillərin mənzillərini sabit saxlayaraq batareya çəkisini azaladacaq. Bu məqsədə çatmaq üçün isə italyan avtomobil nəhəngi litium-kükürdlü batareyalar istehsal edən şirkətə sərmayə edib. Qeyd edək ki, İtaliyanın Turin şəhərində Mirafiori Batareya texnologiyası mərkəzinin açılış mərasimində Stellantis şirkəti planını açıqlayıb. Hətta şirkət 40 milyon avro sərmayə ilə batareya tədqiqat mərkəzini fəaliyyətə başladıb.
Stellantis şirkətinin mühəndislik və texnologiya üzrə prezidenti Ned Curic bildirib ki, ” Bugün elektrik avtomobillərindəki batareyalar çox ağırdır və bu, nəqliyyat vasitələrinin çəkisinə birbaşa təsir edərək onları ağırlaşdırır”. Bundan əlavə Ned elan edib ki, şirkət 2030-cu ilə qədər yeni batareya texnologiyaları ilə daha səmərəli batareya həcminə nail olacaqlar. Hətta onların hədəfləri müasir batareyaların 50%-i qədərdir. İşin sirri isə Lytten şirkəti tərəfindən hazırlanmış daha yüngül, daha ucuz litium-kükürdlü batareyalardan istifadə etməkdir.
