Dünyanın ən çox inkişaf etmiş sənayelərindən biri olan avtomobil sənayesində vəziyyət qəlizləşib. Belə ki, son 7 il ərzində avtomobil sənayesində hər bir avtomobilin istehsal dəyəri 100%-dən çox artıb. Ümumiyyətlə ötən illərdəki pandemiya bir çox sənayedə olduğu kimi avtomobil sənayesində də ciddi yaralar meydana gətirdi. Lakin inkişaf edən texnologiyalar avtomobil sənayesinin yenidən dirçəlməsinə, necə deyərlər yaralarını sağaltmasına kömək oldu. Lidar texnologiyaları, elektromobillər, habelə sürücüsüz idarəetmə sistemləri avtomobil sənayesinin təkrar canlanmasına səbəb oldu.
Lakin bütün bu sadalanan yeni texnologiyalar avtomobil bazarında istehsal dəyərinə təsir göstərir. Təbii ki, avtomobil istehsal dəyəri sadəcə yeni texnologiyalardan asılı olaraq artmır. Avtomobillərin istehsalında istifadə edilən bütün xammallar, o cümlədən polad, alüminium, plastik kimi materiallar da gün keçdikcə bahalaşır. Bütün nəticəsində də son illərdə avtomobil sənayesində istehsal dəyəri artıb. Hətta avtomobillər üçün istehsal edilən çip sənayesi son illərdə 210 milyard dollarlıq zərər ilə qarşılaşıb.
Qeyd edək ki, qiymət artımı əsasən orta sinif avtomobillərdə özünü büruzə verir. Hətta misal olaraq Volkswagen brendinin orta seqmentə aid olan Golf modelini misal göstərək. Avtomobil 7 il əvvəl 15-25 min avro başlanğıc qiymətinə sahib olsa da, indi 70 min avroya təklif olunur. Həmçinin qiymət artımı avtomobillərin ehtiyat hissələrinin də artımına səbəb olur. Bütün bunlar isə insanların daha çox kredit və lizinqə müraciət etməsinə səbəb olur.
