14 illik hazırlıq prosesindən sonra Samson Switchblade artıq uçmağa hazırdır. Avtomobil küçədə üç təkərli avtomobil olsada bir düyməyə toxunmaqla 322 km/s sürətə malik təyyarəyə çevrilə bilir. Qeyd edək ki, bu model FAA tərəfindən uçuşa yararlılıq üçün təsdiq edilmişdir.
Bu avtomobil 190 at gücünə malik 3 silindrli, 1.6 litrlik maye ilə soyudulan mühərriklə işləyir. Üç təkərli avtomobil kimi, bir çox ərazilərdə motosiklet kimi qeydiyyata alına bilər. Samson Switchblade modeli yerdə 201 km/s üzəri sürət yığa bilir. İstehsalçının bildirdiyinə görə, 125 litr həcmindəki yanacaq çəni 724 Km uçuş üçün kifayət edir.
Switchblade kifayət qədər bahalı maşın, daha doğrusu uçan maşındır. Modelin qiyməti tam olaraq 150.000 ABŞ dollarından başlayır. Bütün bunlara baxmayaraq istehsalçı artıq 1670 ədəd sifariş qəbul edib.
Avtomobilin uçmaq üçün təxminən 335 metr uzunluğunda düzlüyə ehtiyacı olacaq. Həmçinin eniş üçün də 213 metr uzunluğunda bir düzlük tapmalı olacaqsınız. Ona görə də hər ürəyiniz istəyən yerdə 150.000 dollar verdiyiniz bu avtomobillə uça bilməyəcəksiniz. Bunun üçün müəyyən nüansları nəzərə almalı olacaqsınız. Avtomobil istehsal üçün tam uyğun olsa belə, sizdən bu avtomobili uçurmaq üçün müəyyən sertifikatlar tələb oluna bilər.
Bu modeli bəyəndinizmi? Bu modelə ən çox nə qədər pul verərdiniz? Fikirlərinizi bizimlə paylaşmağı unutmayın.
