Pagani, Huayra Codalunga adını verdiyi xüsusi avtomobil istehsal edir. Cəmi 5 ədəd istehsal olunmuş bu xüsusi modelin 5-i də satılıb. Görünüşünə baxanda deyə bilərik ki, Huayra Codalunga orijinal model olan Huayra-nın “uzunquyruqlu” versiyasıdır. Alınan məlumata görə, bu modeli ərsəyə gətirmək üçün hazırlıqlara ilk dəfə 2018-ci ildə başlanılıb. İlk növbədə bu xüsusi avtomobilə yalnız 2 nəfər sahib olmaq istəyib. Proses boyunca işlər dəyişdikcə modelə sahib olmaq istəyən müştərilərin sayı 5-ə yüksəlib. Həm dizayn həm də mühərrik xüsusiyyətləri ilə heyran qoyan bu model, həqiqətən avtomobil həvəskarlarının xəyallarında yer alan bir avtomobildir.
İlk növbədə deyə bilərik ki, ön hissədən baxdıqda onun Huayra olduğunu başa düşmək çətin deyil. Huayra Codalunga orijinal modelə çox oxşar bir quruluşa malikdir. Xüsusi kompozit materiallardan istifadə edilərək hazırlanmış super avtomobil, 1290 kiloqram çəkiyə sahibdir. Qapı dizaynı, maraqlı yan güzgü dizaynı və avtomobilin arxasındakı nəhəng mühərriki əhatə edən xüsusi dizayn örtüyü də sözügedən super avtomobili unikal edir.
Avtomobilin salonu da xarici görünüşü qədər heyranedicidr. Qeyd etmək lazımdır ki, avtomobilin kokpit hissəsi bir qədər mürəkkəb görünür. Belə ki, avtomobil 6L həcmli V12 mühərriki ilə təchiz edilib. 840 at gücü, 1100nm fırlanma anı hasil edir. McLaren Speedtail-də gördüyümüz “Longtail” konsepti üzərində hazırlanan avtomobil, markanın hazırladığı xüsusi model olaraq küçələrdə qarşımıza çıxacaq. Verilən açıqlamalara görə, Pagani bu avtomobillərin yollara çıxa bilməsini təmin etmək üçün həm pula, həm də işçi qüvvəsinə əhəmiyyət verməyib. Qısacası bu avtomobili qanuni olaraq istənilən yolda idarə edə bilərsiniz.
Huayra Codalunga modelinin qiyməti nə qədərdir?
60-cı illərin Le Man avtomobillərindən ilhamlanaraq hazırlanmış model, dizaynı ilə yanaşı, qiymət baxımından da ağıllarda qalacaq tərzdədir. Cəmi 5 ədəd istehsal olunan bu avtomobili alan müştərilər avtomobilə sahib olmaq üçün ən azı 7 milyon dollar ödəyiblər. Üstəlik, müştərilər bu pulları ödəsələr də hələ də gözləyirlər. Görünüşü ilə valeh edən avtomobilin nə vaxt sahiblərinə qovuşacağı barədə məlumat verilməyib.
