Avtomobil sahəsinin öz sözünü demiş brendlərindən biri olan Lamborghini brendinin ilk elektromobili olan Lanzador internetdə sızdırılıb. Xatırladaq ki, ötən günlərdə brend rəsmi olaraq ilk elektromobilinin tizerini yayımlamışdı. Lakin paylaşılan görüntüdə elektromobilin interyeri və eksteryeri göstərilməmişdi. İnternetdə ortaya çıxan görüntülərdə isə elektromobilin interyeri və eksteryeri məlum olub. Bundan əlavə lüks avtomobil istehsalçısı yeni Lanzador modelinin 2028-ci ildə bazara çıxaracağından xəbər vermişdi.
Bu gün təqdim edilməsi gözlənilən konsept elektromobilin görüntüləri ortaya çıxıb. Ümumiyyətlə Lamborghini brendinin ilk elektromobili olan Lanzador özünəməxsus interyerə sahibdir. Avtomobil nəhəngi eksteryer tərəfində yeni elektromobilini demək olar ki, urus modelinə bənzədib. Kəskin dizayn, fara dizaynı və bamper ilk baxışda Urus modelini xatırladır. Lakin 4 nəfərlik, futuristik interyer onları bir-birindən ciddi dərəcədə fərqləndirir. 6-bucaqlı dizayna sahib olan təkər diskələri elektormobilin futuristik dizaynını dəstəkləyir. Sızdırılan görüntülərə əsasən deyə bilərik ki, Lamborghini brendi yeni elektromobilinin aerodinamikasına xüsusi fikir verib.
Ümumiyyətlə bu gün bir çox avtomobil nəhəngi elektrikli avtomobil sənayəsi üzərinə fokuslanıb. Lakin Lamborghini brendi hələ də V12 mühərrikli superkarlarını istehsal etməkdən əlçəkmir. Hətta 2028-ci ilə qədər avtomobil nəhəngi elektromobil istehsal etməyəcək. Hələlik özünəməxsus interyerə dsahib olan elektromobilin mühərrik göstəriciləri barədə məlumat yoxdur. Yeni Lanzador elektromobilinin brendin digər superkarlarından heç də geri qalmayacağı şübhəsizdir. Bundan əlavə yeni elektromobil MEB platformasına əsaslanacaq və geniş baqaj həcminə sahib olacaq.
