Çinlilər elektromobil sahəsində rekord qırmağa davam edir. Belə ki, bu dəfə də Alibaba və SAIC Motor tərəfindən qurulmuş IM Motors şirkəti yeni LS6 elektromobili ilə aylardır danışılan rekordu qırıb. Yeni təqdim edilən elektromobil 15 dəqiqəlik şarj ilə 500 km gedə bildiyi məlum olub. Ümumiyyətlə bu gün elektromobillər batareya tərəfində durmadan inkişaf edir. Xüsusilə çinli elektromobil istehsalçıları yüksək səmərəlilik və yüksək performans əldə edə bilmək üçün 800V elektrik arxitekturasına sahib elektromobillər hazırlayırlar.
Məhz çində təqdim edilən yeni IM Motors LS6 elektromobili də 400 kVatt DC şarj dəstəyinə sahib olub. Qeyd edək ki, yeni LS6 elektromobili 875V elektrik arxitekturasına sahibdir. Bu isə elektromobilin daha sürətli şarj olmasına və daha yüksək performans göstərməsinə kömək edir. Performans tərəfində elektromobil 2 elektrik mühərriki ilə təchiz edilib, hansı ki onların ümumi hasilatı 788 at gücünə bərabərdir. Həmçinin 3.48 saniyəyə 100 km/saat sürətinə çatan elektromobilin maksimal sürəti də 275 km/saat olaraq müəyyən olunub.
Habelə elektromobil CATL tərəfindən istehsal olunan monokristal NCM622 batareyası sayəsində 750 km mənzilə sahibdir. Ümumiyyətlə batareya tərəfində IM Motors çox mükəmməl işləyib. Belə ki, -18 dərəcələrdə belə batareya istənilən dərəcəyə qədər isidilə bilir. Həmçinin 35 dərəcəli elektromobil salonu sadəcə 30 saniyədə 20 dərəcəyə qədər soyuda bilir. Hətta bu qədər güclü isitmə və soyutma proseduru saatda 0.5kVatt enerji sərf edir. Qeyd edilən göstəricilərə sahib olan versiya 41.150 dollar olsa da, IM Motors başqa versiya da hazırlayır. 500V enerji arxitekturasına sahib olan daha ucuz model 31000 dollara təklif olunacaq.
