Ford, sahibinin kredit ödənişlərini yerinə yetirmədiyi təqdirdə avtomobili sürməyi “başa bəla edən” sistem üçün patent alıb. Təhlükəsizlik eksperti xəbərdarlıq edir ki, təklif olunan sistem banklar tərəfindənavtomobilləri uzaqdan idarə etmək üçün istifadə oluna bilər.
2021-ci ildə təqdim edilmiş, lakin keçən həftə detalları bəlli olan patent, nəqliyyat vasitəsi sahibinin ödənişləri gecikdirdiyini bildirən mesajlara cavab vermədiyi təqdirdə sistemin necə işə düşəcəyini təsvir edir. Bu məqamda avtomobili idarə etməyi əvvəlcə xoşagəlməz, sonra isə qeyri-mümkün etmək üçün bir sıra tədbirlər həyata keçiriləcək. Son çarə olaraq, Ford avtomobiliniz kredit borcu ödənilmədiyi üçün, özünü yenidən salona aparacaq.
Sistem GPS naviqasiyası, audio sistemi və ya kondisioner kimi xüsusiyyətləri söndürməklə başlaya bilər ki, patentdə nəqliyyat vasitəsi sahibi üçün “müəyyən bir narahatlıq səviyyəsi” kimi təsvir edilən vəziyyət yaradıla bilər. Əgər bu işə yaramırsa, patentə görə avtomobilin sahibi hər dəfə içəri girəndə zəng və ya siqnal səsi kimi “dayanmadan və bezdirici səs” çıxara bilər.
Növbəti mərhələ müəyyən günlərdə və ya müəyyən saatlarda nəqliyyat vasitəsinə girişi məhdudlaşdırmaq, onu həftə sonları istirahət üçün əlçatmaz etmək, lakin sahibinə işə davam etməsinə icazə vermək olacaq. Nəticədə avtomobil üçün ödəmə qabiliyyətinə zərər gəlməyəcək. Patent həmçinin, nəqliyyat vasitəsinin istifadə oluna bilməyəcəyi müəyyən əraziləri “coğrafi olaraq sərhədləşdirmək” üçün GPS-dən istifadə etməyi də əhatə edir.
Belə bir sistem, əlbəttə ki, avtomobilin tam avtonom olmasını tələb edəcək, bu, avtomobil istehsalçıları üçün davamlı, lakin çətin bir məqsəddir: 15 il əvvəl olduğu kimi, indi də həqiqətən özü idarə olunan avtomobil almaq mümkün deyil. Ford bu yaxınlarda elan etdi ki, 2.7 milyard dollar dəyərində tam avtonom sürücülük texnologiyasını inkişaf etdirmək də gözlədiyimiz kimi alınmadı. Ford kredit borcu ilə bağlı alınan yeni patentlə bağlı şərh sorğusuna cavab verməyib, lakin İngiltərənin Surrey Universitetinin təhlükəsizlik üzrə eksperti Alan Vudvord belə bir sistemdə təhlükəsizlik risklərinin olacağını bildirib.
