Hazırda elektromobil sahəsində güclü rəqabət mövcuddur. Belə ki, çinli avtomobil brendlərinin flaqman elektromobilləri artıq Tesla, Volkswagen, Mercedes-Benz və digər avtomobil nəhənglərini ötür. Məhz avropada çin mərkəzli elektromobillərə qarşı müxtəlif sanksiyalar və yüksək vergilər də tətbiq edilmişdi. Buna səbəb isə avropalı avtomobil nəhənglərinin çıxılmaz vəziyyətdə qalması idi. Lakin indi Çinli avtomobil nəhənglərindən biri olan BYD ilk olaraq Avropada daha dəqiq desək Macarıstanda ilk böyük avtomobil zavodunu quracaq.
Çinli avtomobil nəhəngi rəsmi olaraq Macarıstanın Segedin şəhərində Avropada ilk çinli brendə məxsus avtomobil zavodunu quracağını elan edib. 2016-cı ilin aprel ayından etibarən Komarom fabrikində elektrik avtobusları istehsal edən və Macarıstanla illərdir tanış olan Çin şirkəti bir neçə milyard avro dəyərində yeni investisiyası ilə Segedində minlərlə insanı işlə təmin edəcək. Yeni avtomobil zavodunda BYD avtomobilləri üçün akkumulyatorlar da istehsal olunacaq.
Hələlik çinli avtomobil nəhənginin avropada ilk avtomobil zavodunu nə vaxt tikməyə başlayacağı isə məlum deyil. Bununla belə BYD avropadakı ilk avtomobil zavodunda 2025-ci ildə istehsala başlamağı planlayır. Beləliklə avropada çinli elektromobillərə qarşı tətbiq edilən yüksək vergilər BYD brendinin avropada istehsal etdiyi modellər şamil olunmayacaq. Hətta ölkəmiz və Macarıstan arasındakı yüksək iqtisadi əlaqələr avropa istehsalı BYD elektromobillərinin sayının ölkəmizdə də artmasına imkan verəcək.
