Mart və 2024-cü ilin birinci rübü üçün avtomobil sənayesi ilə bağlı yeni hesabatlar dərc olunub. Məlumta görə mart ayında qlobal bazarda avtomobil satışı əvvəlki illə müqayisədə 1,9% artaraq 8,026 milyon minik avtomobili və yüngül ticari avtomobillər təşkil edib. GlobalData araşdırmasına görə, bu rübdə satışlar 4,4% artaraq 20,762 milyon ədəd təşkil edib.
Çin mart ayında qlobal avtomobil satışında əvvəlki illə müqayisədə 5,2% artımla 2,154 milyon ədəd sataraq ölkələr arasında lider olub. Xatırladaq ki, fevral ayında Çin Yeni ili qeyd etmələri ilə birlikdə Çin liderliyini ABŞ-a itirmişdi və ABŞ-da 5,5% artımla 1,437 milyon avtomobil satılmışdı. İndi isə vəziyyət dəyişib.
Mart ayında Qərbi Avropa ölkələrində satışlar 1 milyon 454 min avtomobil (-1%) olduğu halda, Şərqi Avropa ölkələrində satışlar 21% artaraq 404,8 min ədəd olub. Rusiya, Ukrayna və Türkiyədə də satışlarda artım var. Cənubi Amerikada 200 min avtomobil satılıb. Bu, əvvəlki illə müqayisədə 10,7% azdır. Yaponiya (448 min ədəd, -21%), Kanada (158,8 min ədəd, +7,2%) və Cənubi Koreyanın (143,4 min ədəd, -12,1%) nəticələrlə qeydə alınıb.
