Son illər dizayn tərəfindən ən çox tənqidə məruz köklü avtomobil istehsalçısı bəlkə də BMW ola bilər. Çünki, ardıcıl çıxan yeni nəsil BMW modellərinin “burun dəlikləri” sözün əsl mənasında böyüməyə doğru inkişaf edir. Bəziləri üçün bu dizayn olduqca xoş hissiyat yaşatsa da əksəriyyətin fikrincə radiator barmaqlıqlarının böyüməsi dizayn baxımından xoş təəssürat yaratmır. Lakin heyfislənmək üçün hələ tələsməyin, çünki yaxın illərdə daha çox heyfislənə bilərsiniz. Belə ki, ortaya çıxan patent materiallarına görə BMW şirkəti böyük bir ehtimalla elektromobillərinə görə ön radiator barmaqlıqlarını böyük bir ekrana çevirməyi hədəfləyib.
BMW aldığı patent ön “radiator barmaqlıqlarının” ekrana çevrilməsindən əlavə işıqların gizlədilə biləcəyini də ortaya qoyub
Ümümdünya Əqli Mülkiyyət Təşkilatına göndərilən patent materialına əsasən, digər şirkətlərdə olduğu kimi BMW də avtomobillərinin ön tərəfini xüsusiləşdirmək istəyir. Lakin bu xüsusiləşdirmə ənənəvi görünüşlü 2 fərqli panel dizaynı yerində saxlanaraq həyata keçiriləcək. Daha aydın formada izah etsək, şəkillərdən də gördüyünüz kimi avtomobilin ön tərəfinə 2 ədəd nəhəng “ekran” quraşdırılmasından söhbət gedir.
Normal olaraq sadə avtomobil belə bir imkana sahib ola bilməz. Ön tərəfə fiziki radiator barmaqlıqları əvəzinə ekran quraşdırmaq üçün avtomobilin yalnız elektrik ilə hərəkətə gələ bilən olmasına ehtiyac var. Ona görə də bu dizaynın yalnız elektromobillərdə işlədiləcəyi dəqiqdir. Lakin bu patent eyni zamanda elektromobilin fənərlərini də gizlətməyə imkan verəcək. Bunun üçün böyük bir ehtimalla ön tərəfdəki ekranın üzərində elektroxrom örtük işlədiləcək.
Elektroxrom örtük isə tam olaraq 3 il əvvəl OnePlus şirkətinin kameraları gizlətmək üçün smartfon üzərində göstərdiyi texnologiyaya bənzərdir. Əgər görməməsinizs, OnePlus Concept One adlı cihaz CES 2020 sərgisində nümayiş etdirilmişdi. Həmin cihaz heç vaxt seriya istehsalına göndərilməsə də kameraların üzərindəki şüşə lazım olmayanda cərəyan verilərək qaraldılırdı. Bunun sayəsində kameralar çöldən görünməz olurdu. Elektroxrom örtük cərəyan verilmədiyi təqdirdə isə şəffaf vəziyyətə qayıdırdı. Bənzər texnologiya BMW şirkətinin aldığı patent nəzərən ön işıqları gizlətməkdə işlədilə bilər. Həmin texnologiyanın necə işlədiyinə isə aşağıdakı videodan baxa bilərsiniz.
