Son dövrlərin ən inqilabi yeniliklərindən biri olan elektrikli avtomobillərin satışında artım müşahidə olunur. Belə ki, Avropada ilk dəfə elektrikli avtomobillərin satışı dizel avtomobillərin satışını ötüb. Avropa Avtomobil istehsalçıları assosasiyasının yəni ACEA hesabatına görə iyun ayında Avropada elektromobillərin satışı ilk dəfə olaraq dizel avtomobillərin satışını ötə bilib. Bu isə onu göstərir ki, qərb elektromobillərə daha çox maraq göstərir. Məhz bu səbəbdən də artıq bir çox avtomobil nəhəngi öz seriyalarına elektrik mühərrikli modellər əlavə edirlər.
Analtiklərin hesabatına görə iyun ayında Avropada ümumi satılan avtomobillərin 13.4%-ni yəni 140 minini dizel avtomobilləri təşkil edib. Avropada elektrikli avtomobillərin satışı isə ümumi satılan avtomobillərin 15.1%-ni və ya 158 minini təşkil edib. Bundan əlavə ümumi satılan avtomobillərin 25% və 36.3% hissəsi müvafiq olaraq hibrid modellər və benzinlə işləyən modellərə düşür. Maraqlısı budur ki, ötən ilin iyun ayında elektromobillər ümumi satılan avtomobillərin 10.7%-ni təşkil edib. Həmçinin ötən il ilə müqayisədə qeydiyyata alınan elektrikli avtomobillərin sayı da 66% artıb.
Həmçinin Avropa ittifaqında bu ilin birinci yarısında satılan ən məşhur model Tesla Model Y olub. Siyahının davamında isə Dacia Sandero, Volkswagen T-Roc, Opel-Corsa, Peugeot 208, Renault Clio, Toyota Yaris Cross, Volkswagen Tiguan, Volkswagen Golf və Dacia Duster kimi modellər var. Ümumiyyətlə elektrik avtomobillərinə maraq artdıqca digər benzin və dizel ilə işləyən avtomobillərin satışı azalır. Hər il bu modellərin satışı tədricən azalır. Əgər mövcud vəziyyət belə davam edərsə yaxın gələcəkdə elektrikli avtomobillər bazardakı üstünlyü öz əlinə alacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
