Artıq bir çox sahədə istifadə olunan və texnologiya sahəsinin inqilabi yeniliklərindən biri hesab olunan ChatGPT ağlını itirir. Belə ki, Stanford universitetinin bir qrup alimi çatbot barədə araşdırma edib. Nəticədə isə onun dəqiqliyinin 95.2% azaldığı məlum olub. Maraqlısı budur ki, bu azalma məhz ChatGPT Plus çatbotunun əsasını təşkil edən GPT-4 modelində qeydə alınıb. Bildiyimiz kimi, ChatGPT Plus istifadəçilərə abunəlik sistemi ilə təklif olunurdu. OpenAI bu çatbotun daha təkmilləşdiyini iddia etsə də, araşdırma bunun yanlış olduğunu ortaya çıxarır.
Stanford universitetinin Linjao Chen, Matthew Zacharia ve James Zou adlı alimləri GPT 3.5 və GPT 4 çatbotları barədə araşdırma edib. Araşdırma nəticəsində məlum olub ki, ChatGPT getdikcə ağlını itirir. Yəni onların suallar qarşısında olan dəqiqliyi ciddi dərəcədə azalıb. Araşdırma süni intellekt çatbotunun mart-iyun ayları ərzindəki performansına əsasən aparılıb. Həmçinin süni intellekt 4 ayrı sahə üzrə qiymətləndirilib. Bunlar riyazi problemlərin həlli, həssas sualların cavablandırılması, kod yaratmaq və vizual əsaslandırma olub. İlk öncə riyazi problemlərin həllində GPT-4 çatbotu 97.6% dəqiqlik göstərsə də, iyun ayından bu göstərici tam 2.4%-ə qədər enib. Bu isə süni intellekt çatbotunun tədricən zəiflədiyini işarə edir.
Maraqlısı budur ki, istifadəçilərə pulsuz təklif olunan GPT-3.5 çatbotunun dəqiqliyi əvvəlcə 7.4% olsa da, iyun ayında onun dəqiqliyi 86.8%-ə qədər artıb. Həmçinin kod yaratmaq sahəsində GPT-4 çatbotu əvvəlcə 50 tapşırıqdan sadəcə 25-ni həll edə bilsə də, iyun ayında bu göstərici 5-ə qədər enib.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
