Alman avtomobil nəhəngi olan Audi, dörd il əvvəl buraxılmış e-tron modelinin davamçısı olan Audi Q8 e-tron elektromobilini təqdim edib. Yeni elektromobil əvvəlki e-tron modeli ilə müqayisədə bir neçə yeniliklər ilə təchiz olunub. Şirkət e-tron seriyasının ilk SUV modelini istehsal etməyə 4 il əvvəl başlasa da, e-tron seriyası 2009-cu ildən bazardadır. Belə ki, e-tron seriyasının ilk modeli 2009-cu ildə Frankfurt avto salonunda təqdim olunmuşdu.
Audi Q8 e-tron elektromobili hansı xüsusiyyətlərə malikdir?
Yeni Audi Q8 e-tron elektromobilinin eksteriyeri zərifliyi və idman ruhunu özündə birləşdirir. Elektromobilin eksteriyeri əvvəlki Audi modellərinin ənənəvi dizaynına sadiq qalıb. Elektrombilin eksteriyerində ən cəlbedici xüsusiyyət qeyri-adi halqa dizaynına malik disklərdir. Həmçinin elektromobilin arxa hissəsinə nəzər saldıqda bir çox elektromobillərdə gördüyümüz üfüqi faralar yer alır. Onuda qeyd edək ki, elektromobil saxta radiator barmaqlığı ilə də təchiz olunub.
Elektromobilin interyerinə nəzər saldıqda dəri örtüklü, isidilə bilən həmçinin masaj funksiyasını yerinə yetirə bilən oturacaqlar bizi qarşılayır. Həmçinin elektromobil 10.1 düymlük və 8.6 düymlük 2 ekran paneli ilə təchiz olunub. Elektromobilin salonunda demək olar ki, heçbir fiziki düymə yoxdur, siz bütün lazımi funksiyaları bu ekran panellərindən yerinə yetirə bilərsiniz. Onuda qeyd edək ki, elektromobildə təkrar istehsal olunmuş materiallardan da istifadə olunub.
Yeni elektromobil 3 versiyada təklif olunacaq. Bu versiyalara sadə variantı olan Q8 50, bir üst versiya olan Q8 55 və performans versiyası olan SQ8 aiddir. Audi Q8 50 e-tron elektromobilinin elektrik mühərriki 250kVt və ya 335 at gücü həmçinin 664 nm fırlanma anı hasil edir. Elektrombil 100 km/saat sürətinə 6 saniyəyə sürətlənə bilir. Elektromobilin hər 3 versiyası 200 km/saat sürəti ilə məhdudlaşdırılacaq. Əlavə olaraq qeyd edək ki, Q8 55 və SQ8 elektromobilləri müvafiq olaraq 2 və 3 elektrik mühərriki ilə təchiz olunub. Bundan başqa sadə e-tron modeli 86kvts batareyaya, SQ8 modeli isə 106kvts batareyaya malikdir. Modifikasiyadan aslı olaraq 480-600 Km arası məsafə qət edə bilirlər.
Yeni Audi Q8 e-tron elektromobilini gələn həftədən etibarən sifariş etmək mümkün olacaq. Lakin elektromobilin satışı Avropa bazarında 2023-cü ilin fevralı, ABŞ bazarında isə aprel ayı başlayacaq. Yeni elektromobilin başlanğıc qiyməti isə 74400 avrodur.
