Çinin texnologiya nəhəngi Xiaomi keçən il ən azı 18 fərqli Note 11 modeli təqdim etmişdi. Həmçinin şirkət Redmi Note 12 seriyasının təqdimatının bu ay baş tutacağına və bu smartfonların dünyada bir ilk olacağını iddia etmişdi. Şirkət ilkin olaraq üç smartfonu, yəni Note 12, 12 Pro və 12 Pro Plus modellərini satışa çıxaracaq. Bu siyahının zamanla daha da genişlənəcəyi gözlənilir. Note 12 modelinin 67 Vt, Pro modelinin 120 Vt, Pro Plus modelinin isə ~210 Vt sürətli enerji doldurma texnologiyası ilə təchiz ediləcəyi bildirilir. Lakin smartfonlara aid sızdırılmış bannerdə modellərdən bəzilərinin qıvrımlı AMOLED ekrana sahib olduğu göstərilib.
Redmi Note 12 Pro və Redmi Note 12 Pro Plus modelləri premium görünüşə sahib orta seqment smartfonlar olacaq!
MediaTek şirkətinin Dimensity 1080 və ya Dimensity 8000 çipseti ilə təchiz ediləcəyi iddia olunan yeni Redmi Note 12 Pro Plus modelinin kamerası 200MP təsvir ölçüsünə sahib olacağı iddia edilir. Sızdırılmış bannerə diqqətlə baxsaq deyə bilərik ki, yeni smartfon qıvrımlı AMOLED ekran ilə gələcək. Hətta Çinli insayderlər də bunu təsdiq edirlər ki, Xiaomi şirkətinin 2023-cü ildən orta seqmentdə qıvrımlı ekranları satışa çıxarması yeni strategiya planı olacaq. Lakin bunu ən dəqiq nümunəsini 3 gün sonra keçiriləcək təqdimat tədbirində öyrənmiş olacağıq. Redmi Note 12 Pro və Redmi Note 12 Pro Plus modellərindən fərqli olaraq sadə Redmi Note 12 modelində qıvrımlı ekran olmayacaq.
Bu gün paylaşılan yeni bannerlərdə Redmi Note 12 seriyasına 50MP Sony IMX766 sensorunun quraşdırılacağı, üstəlik OIS ilə də gücləndiriləcəyi deyilib. Ehtimal ki, 200MP ISOCELL HPX sensorundan əlavə seriya daxilində görəcəyimiz ikinci sensor Sony IMX766 olacaq. Eyni zamanda sadə Redmi Note 12 modelinin kamera dizaynı da aşağıdakı kimi olmalıdır. Digər bir tərəfdən Xiaomi şirkətinə görə, Redmi Note 12 seriyası əsas texnologiyaları özündə cəmləşdirəcək və onlardan biri orta seqment smartfonlar arasında dünyada ilk olmalıdır. Qeyd etdiyimiz kimi, bu yenilik Pro Plus modelinin 210 Vt sürətli enerji doldurma texnolgiyası ilə təmin edilməsi olacaq.
Əlavə olaraq bonus bir məlumat kimi bildirək ki, görüntüdə gördüyünüz Galaxy S22 Ultra ilə müqayisə edilən cihaz hələ təqdim edilməmiş Realme 10 Pro + modelinə aiddir. Yəni orta seqmentdə qıvrımlı ekran gətirməklə istifadəçilərə “premium” sinif hissiyatı gətirən şirkət təkcə Xiaomi olmayacaq. Ən vacib rəqiblərdən biri olan Realme də eyni prinsiplə Xiaomi şirkətinin qarşısına çıxacaq.
