Dünyanın ən böyük smartfon istehsalçılarından olan Xiaomi, ötən aylarda Xiaomi 12 modelini təqdim etdmişdi. İndi isə, çinli şirkətin yeni flaqman smartfonları olacaq Xiaomi 13 modelinin xüsusiyyətləri sızdırılıb. Belə ki, modellər Çinin 3C sertifikatlaşdırma siyahısında qeydiyyata alındığı bildirilib.
Xiaomi 13 hansı yeniliklərə sahib ola bilər?
Bəzi analitiklər, smartfonun Xiaomi Mi 11 Ultra və Xiaomi 12 seriyası dizaynının birləşdiriləcəyini bildirir. İddialar əsasında hazırlanmış konsept şəkilə nəzər saldıqda cihazın arxasında 50MP əsaslı 3 kamera və 1 LED flaş olduğunu görürük. LAZER texnologiyası ilə avtofokus xüsusiyyətindən faydalanacağı deyilən smartfonların sadə versiyasının ekran ölçüsü 6.38 düym olacaq. İddia olunur ki, bu model 1.5K təsvir ölçülü 120Hz görüntü yeniləmə sürətinə malik AMOLED ekranla təchiz olunacaq. 4700 mAs batareya ilə satışa çıxarılacağı bildirilən Xiaomi 13 modelinin Android 13 əsaslı MIUI 14 ilə istifadəçilərə təqdim ediləcəyi də sızdırılıb.
Snapdragon 8 Gen 2 çipseti ilə təchiz ediləcəyi ehtimal edilən Xiaomi 13 Pro modeli, 6.73 düymlük QHD+ ekran panelinə sahib olacaq. Bu smartfonun texniki xüsusiyyətləri isə Xiaomi 12S Pro ilə müqayisədə biraz təkmilləşdirilməlidir. Ola bilsin ki, Xiaomi 12S Ultra modelindəki 1 düymlük IMX989 sensoru Xiaomi 13 Pro modelinə quraşdırıla bilər. Lakin dəqiq texniki xüsusiyyətlər mövcud deyil. Çinli şirkətin yeni seriyası yaxın aylarda Çində təqdim ediləcək. Qlobal təqdimatın isə gələn il keçiriləcəyi gözlənilir. Bu məsələ ilə bağlı dəqiq tarix verilməyib. Bu görüntülər isə konsept olub, reallıqda müəyyən qədər fərqlənə bilər.
