Belə ki, Android 12 əməliyyat sisteminin davamı olan Android 13 əməliyyat sistemi üçün yeniliklər gəlməyə davam edir. Google şirkəti Android smartfonların zəng keyfiyyətini yaxşılaşdıracaq yeni funksiya hazırlayır. Bu funksiya Google şirkəti tərəfindən “Clear Calling” olaraq adlandırılıb. Qeyd edilənə görə “Clear Calling” yeniliyi Android 13 əməliyyat sisteminin QPR1 Beta versiyasında mövcuddur. “Clear Calling” funksiyası ilə zənglər zamanı səsiniz qarşı tərəfə daha yaxşı gedəcək. Telefon danışıqlarının keyfiyyəti ilə bağlı olan bu yeniliyə dair rəsmi məlumat verilməsə də öz sahəsində tanınmış müxbir Mishaal Rahman bəzi detallar paylaşıb.
Telefon danışıqlarının keyfiyyəti əslində, xüsusi proqram təminatı hesabına filterdən keçiriləcək
İlk olaraq xüsusiyyətin işləməsi heç bir təhlükəsizlik probleminə yol açmayacaq. Çünki, ilk düşünəcəyiniz şey Google şirkətinin sizin səs məlumatlarınızı “Clear Calling” xüsusiyyəti ilə toplayacağıdır. Verilən məlumata görə bu funksiya daxilində Google məlumat toplamağı hədəfləmir. Bu xüsusiyyət Wi-Fi zəngləri ilə yox, yalnız normal zənglərlə işləyəcək. Ölkəmizdə aktiv olmasa da Wi-Fi zəngləri nədir deyə soruşsanız şəbəkənizin olmadığı, amma Wi-Fi mövcud olan yerlərdə bir növ internet provayderi hesabına etdiyiniz zənglər nəzərdə tutulur. Pulsuz işləmir və məbləğ normal nömrənizin balansından çıxılır. 2 cümlə ilə izah etmək biraz yaxşı olmasa da onsuzda bu xüsusiyyət ölkəmizdə aktiv fəaliyyət göstərmir. Yəni telefon danışıqlarının keyfiyyəti yalnız normal zənglər zamanı filterlənə bilir.
Funksiyanı aktivləşdirdiyiniz zaman səsinizdən arxa plan səs-küyü və lazımsız səslər düşündüyümüz qədərilə AI əsaslı bir proqram təminatı ilə ayrılacaq. Google şirkəti hal-hazırda müxtəlif mobil operatorla xüsusiyyətin sazlığından əmin olmaq üçün danışıqlar aparır. Əgər uyğun əməliyyat sisteminə sahibsinizsə və ADB komandalarını işlətməyi bacarırsınızsa komanda sətrinə settings_enable_clear_calling true yazaraq xüsusiyyəti əllə aktivləşdirə bilərsiniz. Daha sonra parametrlərdə səs və vibrasiya bölməsinə “Clear Calling” xüsusiyyətinin əlavə edildiyini görəcəksiniz.
