ABŞ startap ekosistemi pandemiyada daha çox maraq cəlb etdi. Əsas səbəblərindən biri isə Covid-19 pandemiyasının sağlığımız üzərindəki təsiriylə yanaşı qlobal iqtisadiyyatı da sarsmağı oldu. Lakin buna baxmayaraq statistika onu göstərir ki, startaplar investisiya toplamaqda çətinlik çəkməyib. Hətta bəzi ölkələrdə startap yatırımları pandemiyadan öncəkinə nisbətən iki qatına çıxıb.
Demək olar ki, bütün bunlara internet səbəb olur. Pandemiya zamanı canlı görüşlər mümkün olmadığı üçün investorlarla internet üzərindən əlaqə qurmaq və dəstək almaq daha da asanlaşdı. Bu isə bərabərində startap ekosisteminin böyüməsinə yol açdı. Fürsətlərin çoxluğu rəqabətin artmasına səbəb olur. Günümüzün təsisçiləri daha böyük risklərlə və çətinliklərlə üz-üzədir. Əvvəlki kimi startapların uğursuzluq ehtimalı da çox yüksəkdir. Lakin geniş maliyyə imkanları olan ABŞ fondları risk almağa əvvəlkindən daha həvəsli görünürlər.
Bu məqalədə startaplarla əlaqədar bir çox diqqət çəkən məlumat əldə edəcəksiniz. Sağlam bir iş planı qurmaq üçün praktiki bilgilərin və yoxlanılmış strategiyaların uğur qazanma yolunda sizə işıq tutacağından əminik. Bu statistikalar ABŞ üçün olacaq. ABŞ startap ekosisteminə verdiyi dəstəyə görə həmişəki kimi dünya liderlərindəndir. Bu o deməkdir ki, onlardan öyrənəcək çox şeyimiz var.
ABŞ startap ekosistemi haqqında maraqlı məlumatlar
- ABŞ-da startapların %69-i evdə təsis edilir.
Startapın başlanğıcda heç bir gəliri olmadığını nəzərə alsaq ofis olaraq evi seçmək doğru bir seçim kimi görünür. Maraqlısı isə budur ki, startaplarla yanaşı kiçik bizneslərin də 59%-i evdən idarə olunur. Necə deyərlər: “onsuzda hərkəs qarajdan başlayır, işin sirri qarajdadır” - 60 yaşındakı bir startap təsisçisinin 30 yaşında olan birinə nisbətən uğur qazanma ehtimalı 3 qat çoxdur.
Təcrübə bir iş qurmaq mövzsunda çox önəmli faktordur. Statistikalar göstərir ki, strategiya ilə işləmək və problemə həll yolu tapmaq üçün həyat təcrübəsi önəmli bir üstünlük qazandırır. - ABŞ startaplarının 53%-də idarə heyətində ən az 1 qadın var.
Kiçik şirkətlər haqqındakı son araşdırmalar qadınların startapların tərkibində yer alma hallarının artdığını göstərir ki, bu da ABŞ startap ekosistemində cinsiyyət bərabərliyinə ciddi önəm verildiyinin göstəricisidir. Statistikaya əsasən idarə heyyətində qadın olan startapların sayı 29%-dən 37%-ə qədər artıb. - Startapların 42%-i ehtiyac duyulmayan məhsul satmağa çalışdığına görə iflas edir.
Yaxşı bir ideya sadəcə tələblə əlaqədardır. Əgər tələb yoxdursa məhsulun nə olduğu və nə qədər mükəmməl olduğunun heç bir önəmi yoxdur. Digər bir uğursuzluq səbəbi isə doğru komandaya sahib olmamaqdır. - 2020-ci ildə ABŞ-da 31.7 Milyon kiçik startap var idi.
Statistikaya əsasən 2020-ci ildə ABŞ-da kiçik şirkətlər 60.6 milyon nəfəri iş imkanı ilə təmin edib. Bu rəqəm ölkədə olan iş gücünün yarısı deməkdir. - ABŞ-da olan kiçik şirkətlərin 79.7%-də yalnızca təsisçi işləyir.
Hər 5 kiçik şirkətdən 4-ü sadəcə təsisçisi olan qurumlardır.Yəni tək bir nəfərin idarə edəbiləcəyi kiçik şirkətlər.Statistikaya əsasən bu qurumların 16.6%-nin işçi heyəti 10 nəfərdən daha azdır. Həmçinin startap hissələrinin təsisçilər arasında paylaşılması haqqında yazdığımız məqaləni da oxuya bilərsiniz. - San Fransisko və silikon vadisi bütün global startapların 13.5%-nə tək başına ev sahibliyi edir.
Digər bir statistikaya əsasən dünya üzrə startaplar üçün ən uyğun imkanlara sahib olan 20 mərkəzdən 10-u ABŞ-da yerləşir.
Startaplara qoyulan investisiyalar artır
Bəli, yuxarıda sadaladığımız statistikalar göstərir ki, ABŞ-da startaplara yatırım etməyə həvəsli olan birçox Vençur(venture) Fondlarının sərmayə gücü gündən günə artırmaqdadır. Bu isə dünyanın birçox yerindən peşəkar iş insanlarını özünə çəkir. Xatırladaq ki, dünyadakı beyin köçünün böyük hissəsi də məhz ABŞ-a doğru hərəkət edir. Bu səbəbdən ABŞ dünyada texnologiya və innovasiya mərkəzi olaraq qalmağa davam edəcək.
