Ötən ay Seteve Jobs və Steve Wozniak hazırladığı dünyanın Apple 1 prototipinin hərraca çıxarıldığı barədə məlumat vermişdik. Hansı ki, bu prototip Steve Wozniak tərəfindən atılmış əl lehimlərinə sahibdir və Paul Terrell mağazasına göstərilmək üçün hazırlanmış bir test kompüteri olub. Ona görə də Apple şirkətinin ilk kompüter prototipi hesab edilən Apple 1 çox dəyərlidir. Təsəvvür edin ki, sadəcə satış üçün hazırlanmış adi bir Apple 1 modeli 2020-ci ildə 470.000 dollara satılıb. Ona görə də Steve Wozniak tərəfindən hazırlanan və Steve Jobs tərəfindən demo testləri edildiyi deyilən bu kompüter daha yüksək qiymətə satılmalıdır. Ötən ay başlayan hərrac başa çatıb və Apple 1 prototipi tam olaraq 677.196 dollara satılıb.
Apple 1 prototipi 1976-cı ildəki qiymətinin 1000 qatından yuxarı qiymətə satılıb!
RR Auction tərəfindən geçirilən hərracda adı açıqlanmayan kolleksiyaçı xüsusi Apple 1 prototipi üçün 677.196 dollar təklif edib. Bu rəqəm üzərinə başqa təklif gəlmədiyindən hərracın qazananı San Fransiskodan olan həmin şəxs olub. Apple 1 prototipi 677.196 dollara satılıb, amma 200 ədəd satış üçün istehsal edilmiş sadə Apple 1 kompüterləri 1976-cı ildə sadəcə 666 dollar idi.
Hərrac ilk başlayanda Apple 1 üçün təqribi 200.000 dollar ətrafında məbləğ təklif olunurdu. Təxminlər isə hərracın təqribi 500.000 dollar ətrafında sonlanacağı yönündə idi. Hərraca iştirakçıların marağı o qədər yüksək olub ki, Apple 1 prototipi üçün təklif 600.000 dollar səviyyəsini rahatlıqla keçməyi bacarıb.
