Müasir smartfon modellərində kamera ilə yanaşı şarj funksiyası da ciddi əhəmiyyət daşıyır. Bu gün biz sizə 2022-ci ilin ən sürətli dəstəkləyən smartfon modelləri haqqında danışacağıq. Bir çox müasir smartfonlar sürətli şarj dəstəkləyir. Lakin şarj sürəti smartfonun batareya texnologiyasından və uyğun olaraq yüksək şarj dəyərlərinin uzun müddət stabil saxlanılmasındən çox aslıdır. Məsələn, ötən gün təqdim olunan OnePlus 10T modeli siyahımızda yeni model olduğu üçün yoxdur. Lakin sizlər üçün qeyd edək ki, həmin model 150 Vt sürətli şarj dəstəkləməsinə baxmayaraq o qədər də tez şarj olmur. Aparılan testlərdə tam şarjın 18-19 dəqiqəyə qədər uzandığı bildirilir. Bəs “adapter hara getdi?” desəniz, adapter əhəmiyyətli faktor hesab edilmir. Çünki, onsuzda smartfonun dəstəklədiyindən zəif adapterin qutuya qoyulması halları çox azdır. Digər bir tərəfdən ən vacib olan şey smartfonun sürətli şarjı dəstəkləməsidir. Əks halda nə qədər güclü adapter də olsa cihaz yavaş şarj olacaq.
Çox sürətli şarj ola bilən ilk model – Realme GT Neo 3
Beşliyimizin ilk pilləsində Realme şirkətinin yeni GT Neo 3 smartfonu yerləşir. Realme GT Neo 3 modeli orta seqmentə aid modeldir və iki versiyada satılır. Sadə variantı 80 Vt və xüsusi buraxılışı 150 Vt şarj dəstəkləyir. Bu 2 versiya arasında həmçinin batareya həcmi də fərqlənir. 80 Vt sürətli şarj dəstəkləyən model 5000 mAs həcmdə batareyaya sahib olub, xüsusi buraxılışı 4500 mAs batareya ilə gəlir. Lakin qeyd etməliyik ki, Realme firması 150 Vt ilə çox da effektiv nəticə göstərməyi bacarmır. Şarj müddəti fikrimizcə daha az ola bilərdi.
- Batareya həcmi: 4500 mAh
- Adaptor : 150 Vt
- Şarj müddəti: 16.58 dəqiqə (80 Vt şarj ilə batareyanın tam dolma müddəti 33 dəqiqə təşkil edir)
Sürətli şarj marafonumuzun növbəti modeli – Nubia Red Magic 7S Pro.
İstehsalçılar çox hallarda adapter gücü və ya batareya həcmi arasında seçməli olurlar. Amma Nubia şirkəti Red Magic 7S Pro modelində həm batareya həcmini, həmdə adapter gücünü flaqman səviyyəsində edib. Sadə Red Magic 7S modeli 65 Vt ilə çalışır. Lakin Pro modelində 135 Vt sürətli şarj mövcuddur.
- Batareya həcmi: 5000 mAh
- Adaptor gücü: 135 Vt
- Şarj müddəti: 15.28 dəqiqə
Siyahımızın 3-cü pilləsində Black Shark 5 oyun smartfonu dayanır
Xiaomi şirkətinin törəmə brendinə aid olan Black Shark 5 modeli də öz şarj sürəti ilə fərqlənir. Cihaz köhnə nəsil hesab edilən Snapdragon 870 ilə çalışmasına baxmayaraq 120 Vt şarj sürətini dəstəkləyir. Üstəlik digər modellərdən daha sürətli şarj olmağı bacarır. Ən azından labaratoriya nəticələri bunu göstərir.
- Batareya həcmi: 4650 mAh
- Adaptor gücü- 120 Vt
- Şarj müddəti – 14.53 dəqiqə
iQOO 9 Pro Modeli
iQOO brendi hər il şarj etmə sürəti ilə yeni rekordlar qırır və rəqiblərini geridə qoyur. Amma buna baxmayaraq iQOO 9 Pro siyahıda ikinci yeri tuta bilmişdir. Black Shark 5 modeli kimi iQOO 9 Pro modelidə 120 Vt şarj dəstəkləyir.
- Batareya həcmi: 4700 mAh
- Adaptor gücü: 120 Vt
- Şarj müddəti: 14.51 dəqiqə.
Ən sürətli şarj dəstəkləyən smartfon – iQOO 10 Pro
Reytinqimizin ən sürətli şarja malik olan smartfonu iQOO 10 Pro modeli oldu. Bu model ötən ay təqdim edilib. Smartfon eyni anda ən sürətli şarja və ən güclü şarj adapterinə malikdir. Rəqiblərini isə çox geridə qoyub. Həmçinin cihazın yüksək sürətli şarjı batareya həcminin ölçüsünə nisbətən az olmasını kompensasiya edir.
- Batareya həcmi: 4700 mAh
- Adaptor gücü: 200 Vt
- Şarj müddəti: 9.48 dəqiqə.
Bəs hansı smartfon modelini seçmək lazımdı?
Reytinqə daxil olan modellərin hamısı sürətli şarj dəstəkləyir. Amma hər bir modelin özünə uyğun unikal xüsusiyyəti var. Əgər siz balanslı və qiyməti baha olmayan cihaz axtarırsınızsa, o zaman Realme GT Neo 3 modeli sizə uyğun olacaq.
Smartfon oyun həvəskarları isə Black Shark 5 və ya Nubia Red Magic 7S Pro modelini seçə bilərlər. Hər iki model sırf oyun oynamaq üçün hazırlanıb. Nubia şirkətinin modeli daha performanslı çipset alıb, amma stabilliyi deyilənə görə o qədər də yaxşı deyil. Bu səbəbdən Black Shark 5 modelinin batareya həcmi az olsa da, daha yaxşı seçimdir.
Amma əgər siz yüksək şarj sürəti, performanslı çipset və yüksək keyfiyyətli kameralı smartfon istəyirsinizsə, o zaman iQOO 9 Pro və ya iQOO 10 pro modellərinə baxmalısınız. iQOO 10 Pro modelinin 200 Vt şarj dəstəkləməsi isə çox böyük üstünlükdür.
