WhatsApp mesajlarını bir ƏS digərinə köçürmək istifadəçilərə çox zaman çətinliklər yaradır. Şəkillərin, kontaktların və proqramların köçürülmə prosesi daha asan həyata keçirilsə də, ən əsas məsələ yazışmalar bəzi çətinliklər yaradır. Hal-hazırda bir sıra tətiqlər bəzi cihazlarda eyni zamanda çalışır. Yəni bir əməliyyat sistemindən digərinə keçdikdə sadəcə hesaba giriş etmək kifayət edir və bütün məlumatlarınız avtomatik olaraq yüklənir.
Təəssüf ki, dünyanın ən məşhur yazışma proqramlarında biri WhatsApp istifadəçilərə belə bir fürsət yaratmayıb. Bu tətbiq 2022-ci ildə hələ də məhdudiyyətlərlə doludur. Son yeniləmədə isə, mesajların Android smartfondan iPhone modelinə köçürmə imkanı əlavə edilib. İndi gəlin bu xüsusiyyətin necə işlədiyinə nəzər salaq.
WhatsApp mesajlarının köçürülməyə hazırlanması
Meta kimi nəhəng şirkət WhatsApp tətbiqinin bir neçə cihazda normal istifadəsini həyata keçirməyib. Əslində əksər istifadəçilərə WhatsApp tətbiqini bir neçə cihazda istifadə etmə imkanı lazım deyil. Lakin əsas məsələ ondadır ki, siz fərqli əməliyyat sisteminə sahib yeni smartfonunuzda çox vaxt öz nömrəniz ilə qeydiyyatdan keçdikdən sonra yazışmalarınızı itmiş görürsünüz. Tərtibatçılar üçün istifadəçinin hansı ƏS istifadə etdiyi əhəmiyyətli olmamalıdır. Əsas odur ki, bütün addımlar sadə və məntiqli olmalıdır.
WhatsApp-ın hal-hazırda bu istiqamətdə işləməsi sevindirici haldır. Artıq Android smartfondan iPhone smartfonuna çatların köçürülmə funksiyası mövcuddur. Lakin bu yenə də düşündüyümüz qədər asan deyil. Yəni burada yeni cihazda köhnə nömrəniz ilə qeydiyyatda keçmək kifayət etməyəcək. Bunun üçün çox sayda addımlar atmalısınız, hansılar ki biz sizə bir-bir sadalayacağıq.
Məlumatları köçürmə üçün ilkin şərtlər
Məlumatları köçürmədən öncə bu addımları atmalısınız:
- Android smartfonunda Android 5 və ya daha yeni versiyada işləməlidir.
- iPhone modeli ən azı iOS 15.5 işləməlidir.
- Android modelində “Move to iOS” proqramını quraşdırmalısınız.
- iPhone-da WhatsApp 2.22.10.70 və ya daha yeni versiya quraşdırılmalıdır.
- Android-də WhatsApp ən azı 2.22.7.74 versiyası olmalıdır.
- iPhone-da öz nömrəniz istifadə edilməlidir.
- Mesajları köçürə bilmək üçün iPhone yeni olmalıdır və ayarlar sıfırlanmalıdır. Android cihazınızda “Move to iOS ” proqramını yükləmək lazım olacaq.
- Hər iki cihaz şarja və eyni Wi-Fi şəbəkəsinə qoşulu olmalıdır. Wi-Fi şəbəkəsi olmadıqda, iPhone-da giriş nöqtəsini aktivləşdirin və Android cihazınızı ona qoşmalısınız.
WhatsApp çatını köçürmə prosesi
İndi isə məlumatların köçürmə mərhələsinə keçək. Bunu edə bilmək üçün aşağıdakı addımları yerinə yetirməlisiniz:
- Android smartfonunuzda “Move to iOS” proqramını açın və ekrandakı təlimatlara əməl edin.
- Android cihazında kodu daxil etmək istənildikdə, iPhone ekranında göstərilən kodu daxil edin.
- “Davam et” düyməsini seçin və təlimatlara əməl edin.
- “Məlumatların ötürülməsi” ekranında “WhatsApp”-ı seçin, “Start” düyməsini sıxın və məlumatların göndərilməsi üçün hazırlanmasını gözləyin.
- Məlumat hazır olan kimi Android cihazdan çıxış baş verəcək.
- “Move to İOS“-a qayıtmaq üçün “Növbəti” düyməsini basın.
- Android cihazından iPhone-a məlumat ötürmək üçün “Davam et” düyməsini basın və proqramın köçürmənin sonunu təsdiqləməsini gözləyin.
- App Store-dan WhatsApp 2.22.10.70 və ya daha yuxarı versiyasını yükləyin.
- WhatsApp-ı açın və telefon nömrənizlə daxil olun.
- Məlumatların ötürülməsi sorğusu çıxdıqda, “Başlat” düyməsini basın və prosesin tamamlanmasını gözləyin.
- Yeni cihazın aktivləşdirilməsi başa çatdıqdan sonra, bütün çatlar yüklənmiş olacaq.
Yekun
Bütün addımları sona qədər tamamladınızsa, sizi təbrik edirik. Siz ya çox səbrli insansınız, yada ki sizin WhatsApp-da çox vacib yazışmalarınız var. Nümunə kimi Meta şirkəti Telegram mesencerini götürsə çox yaxşı ola bilərdi.
Bu köçürmə proseduru zamanı bütün şəxsi yazışmalar köçürülür. Bölgənizdə aktivdirsə P2P-ödənişləri və zəng tarixçəsi köçürülməyəcək. iPhone cihazından Android cihazına keçmək üçün də eyni addımları atmalısınız. Sadəcə olaraq cihazların yerlərini dəyişməlisiniz və “Switch to Android ” proqramını istifadə etməlisiniz. Əgər siz bu köçürməni həyata keçirmək istəyirsinizsə, o zaman hər bir addımı diqqətlə yoxlayaraq tamamlayın.
