70-ci illərin unudulmaz modeli Pony Coupe əsasında hazırlanan Hyundai N Vision 74 konsept layihəsi detalları ilə çox diqqət çəkir.
15 iyul Hyundai üçün N Performans günüdür. Belə ki, Hyundai ötən gün RN22e və N Vision 74 Concept modellərini təqdim etdi. Hyundai Ionıq 5 N gələn il bazara çıxacaq. İstehsalçı Ionıq 5 N modelinin 2023-cü ildə müştərilərə təqdim ediləcəyini açıqlayıb. Lakin mövzumuzun əsas qonağı Ionıq 5 N yox, dizaynı ilə keçmişi gələcəkdə birləşdirən N Vision 74 modelidir.
Yüksək performanslı avtomobillərin gələcəyini araşdırmaq üçün hazırlanmış yeni konseptlər həqiqətən möhtəşəm hissiyat yaradır. Bölüşdüyümüz fotolarda gördüyünüz retro görünüşlü N Vision 74 isə bir çox cəhətdən markanın Pony modelinə istinad edir.
Kəskin xəttlərə, innovativ xüsusiyyətlərə və əzələli gövdəsi olan bu “vəhşi” haqqında danışsaq, N Vision 74 hibrid avtomobildir. Lakin daxiliyanma mühərrikli hibrid deyil. Çünki, gücünü hidrogen yanacağından alır. Hyundai şirkəti elektrik batareyalarının gücünü, indiyə qədər inkişaf etdirilmiş ən yüksək texnologiyalı və ən qabaqcıl yanacaqlardan biri olan hidrogen ilə birləşdirir. Beləliliklə N Vision 74 modeli dünyada elektrik-hidrogen hibrid kombinasiyasına sahib ilk modellər siyahısına adını yazdırır.
Bəs hidrogen elementli yanacaq və elektrik batareyalarının birləşməsinə malik avtomobil nə qədər effektivdir?
Hyundai firmasının açıqlamalarına əsaslanaraq deyə bilərik ki, bu sistemlər gələcək üçün daha potensial həll təklif edir. Yanacaq elementi o deməkdir ki, hidrogen doldurma məntəqəsi tapa bilsəniz, hidrogen çəninizi doldurmaqla səyahət edəcəksiniz. Beləliklə enerji doldurma məntəqələrində saatlarla gözləməyə məcbur olmadan ideal sürüş həyata keçirməyiniz mümkün olacaq.
Ola bilsin gələcək elektromobillərdən əlavə, hidrogen hibridlərindədir və Hyundai şirkəti bunu qabaqcadan bizə göstərmək istəyir.
Performans göstəricilərinə gəlincə, N Vision 74 modeli 671 at gücünə (500 kilovat) və 900 Nm fırlanma anına malikdir ki, bu da gücü yalnız arxa təkərlərə ötürən modeli əyləncəli idman avtomobilinə çevirir. Həm batareya, həm də hidrogen çəni tam dolu olduqda, N Vision 74 modeli hidrogen yanacağı və 62.4 kVt saat elektrik batareyası ilə 600 km-dən çox məsafə qət edir.
Hyundai Vitse-Prezidenti və Müştəri Təcrübəsi Departamentinin Rəhbəri Tomas Şemera “RN22e və N Vision 74 bütün məhsul çeşidimizin, xüsusən də yüksək performanslı elektrik avtomobillərimizin təkamülündə mühüm rol oynayır. Bu unikal yanaşma özümüzə həddimizi aşmaq üçün güc verməklə bizi gələcəyin çağırışlarına hazırlayır.” deyir.
Bu avtomobil haqqında fikirlərinizi bizimlə paylaşmaqı unutmayın!
