Keçən ilin sentyabr ayında Xiaomi, arxa ekranları ilə diqqət çəkən 17 Pro və 17 Pro Max modellərini təqdim edib. Yeni bir şayiəyə görə, bu seriyanın varisi olacaq Xiaomi 18 Pro və 18 Pro Max da arxa ekran xüsusiyyətini qoruyub saxlayacaq. Beləliklə, Xiaomi 18 Pro-nu arxa ekranı AI yəni, süni intellekt ilə işləyən ağıllı pəncərəyə çevriləcək.
Bu arxa ekran “Süni İntellektlə işləyən ağıllı pəncərə” kimi təsvir edilən yeni bir xüsusiyyətlə daha da funksional hala gələcək. Bu xüsusiyyətin nə edə biləcəyi hələ dəqiq məlum deyil, lakin Xiaomi-nin bu ekranı davamlı inkişaf etdirməsi bunun birdəfəlik yenilik olmadığını göstərir. Həmçinin deyilir ki, hər iki modeldəki dinamiklər və vibrasiya mühərriki əvvəlki nəsil ilə müqayisədə təkmilləşdirilib, lakin bu təkmilləşdirmələrin təfərrüatları paylaşılmayıb.
Əvvəlki iddialara görə, Xiaomi 18 Pro modeli 6,3 düymlük ekran, 7000 mAh və ya daha böyük batareya, simsiz şarj dəstəyi, ultrasəs ekranlı barmaq izi oxuyucusu və iki 200 MP arxa kamera, biri əsas kamera, digəri isə telefoto kamera ilə təchiz oluna bilər. 18 Pro Max-ın 6,9 düymlük düz LIPO OLED ekrana sahib olması, daha nazik çərçivələr təklif etməsi və digər xüsusiyyətlərin əksəriyyətini daha kiçik modellə paylaşması gözlənilir. Aparat təminatı baxımından cihazların Snapdragon 8 Elite Gen 6 Pro prosessoru ilə təchiz olunacağı ehtimal olunur. Seriyanın rəsmi olaraq sentyabr ayında təqdim ediləcəyi gözlənilir
