Ənənəvi mühərriklər yavaş-yavaş öz mövqeyini itirməyə davam edərkən işi bu tip mühərriklərdən keçən şirkətlər narahat olmağa başlayırlar. Belə ki, tanınmış motosiklet istehsalçılarından biri olan Ducati ilk idman üslublu elektrik motosikletini anons edib. 96 ildir sektorda olan İtaliya mərkəzli Ducati firması yeni istehsal etdiyi elektrikli motosikleti ilə 2023-cü ildə MotoE yarışında istifadə ediləcək. Ducati tərəfindən müayiş etdirilən V21L prorotipi FIM MotoE yarış seriyasında 18 motosikletin təməlini formalaşdıracaq. Qeyd edək ki, həmin yarışın tək tədarükçüsü elə bu prototiplə birlikdə Ducati olacaq. Bu prototipin yarış müddətində və.s testləri tamamlandıqdan sonra növbəti illərdə seriya istehsalına uyğunlaşdırılması planlaşdırılır.
Elektrikli motosikletin performansı necədir?
Ducati firmasının hazırladığı elektrikli motosiklet prototipi V21L elektrik mühərriki ilə 147 at gücü verə bilir. İtaliyadakı Mugello trasında elektrik mühərriki ilə 275 Km/s maksimum sürət toplayan motosiklet, 140 Nm fırlanma anı hasil edir. Firma bu motosikletin gövdəsinə 18 kVs tutuma malik elektrik batareyası yerləşdirməyi bacarıb. Bununla belə motosikletin çəkisi cəmi 225 kq təşkil edir. Təbii ki, bu çəki heç də az deyil. Lakin öz potensial rəqiblərini qabaqlamaq üçün yetəri qədər yaxşı nəticədir.
Ducati mühəndisləri bu motosikleti hazırlayarkən tamamilə yarış motosikletlərindəki mühəndislik nümunələrindən yararlanıblar. Xarici görünüşünə baxdıqda tamamilə aerodinamik təsirlər nəzərə alınaraq hazırlandığı anlaşılan V21L prototipinin gövdəsi karbon materiallardan hazırlanıb.
Əslində bu elektrikli motosiklet yarışlarda bir növ test edildikdən sonra seriya istehsalına uyğunlaşdırılacaq. Ducati baş icraçı direktoru Claudio Domenicali mövzu ilə bağlı aşağıdakıları qeyd edir.
Claudio Domenicali
Ducati olaraq CO2 emissiyalarını azaltmaq kimi ortaq problemi həll etməli olduğumuzun fərqindəyik. Bunu öz DNA-larımızı qorumağa imkan yaradacaq şəkildə etmək üçün çalışırıq. Bu gün bacardığımız qədər ən mükəmməl performansa sahib elektrikli motosikleti hazırlayırıq ki, gələcəkdəki planlarımızı daha rahat həyata keçirə bilək.
Bütün bunları ələ aldıqda firmanın əsas məqsədi qarşıdakı bir neçə ildə bu tip elektrikli motosikletləri satışa çıxarmağa uyğun vəziyyətə gətirməkdir. Alıcıları maraqlandıran əsas sual isə bu elektromobillərin nə qədər sürətlə şarj olub, neçə km məsafə qət edə biləcəyidir. V21L prototipi 45 dəqiqəyə 80% şarj ola bilir, lakin gedə bildiyi məsafə barədə heç bir məlumat mövcud deyil.
