Bu müsabiqənin iştirakçıları Azərbaycanda olan AI Batch-ın ilkin startaplarından olacaqlar.
ABB İnnovasiya süni intellekt sahəsində çalışan startap və texnoloji komandalar üçün yeni imkanlar yaradan “AI Startup Challenge” müsabiqəsinin qeydiyyatına start verildiyini elan edir. Müsabiqə Mastercard və ADA Universitetin dəstəyi ilə təşkil olunur.
Bir günlük tədbir çərçivəsində iştirakçılar sənaye problemlərinə yönəlmiş, məhsuldarlığı artıran və istifadəçi təcrübəsini təkmilləşdirən AI əsaslı həllərini təqdim edəcəklər. Məqsəd – süni intellektin real sektorlarla inteqrasiyasını sürətləndirmək və innovativ ideyaları dəstəkləməkdir.
Müsabiqənin əsas üstünlükləri:
● ABB İnnovasiyanın pre-inkubasiya proqramına daxil olmaq imkanı
● Qalib komandaya pul mükafatı
● Mastercard Sandbox platformasına çıxış
● Yerli və beynəlxalq mentor dəstəyi
● Süni intellekt, fintech və innovasiya sahəsinin əsas oyunçuları ilə şəbəkələşmə fürsəti
Tədbir 5 iyul 2025-ci il tarixində ADA Universitetində baş tutacaq. Qeydiyyat üçün son müraciət tarixi isə 28 iyundur. Qeydiyyatdan keçmək üçün linkə daxil ola bilərsiniz.
