Microsoft 2000-ci illərin simvolik oyunu Quake II-nin süni intellektlə yaradılmış versiyasını elan edib. Belə ki, oyunu oynamaq istəyən oyunçular bu versiyanı pulsuz olaraq sınaqdan keçirə bilərlər.
ABŞ-ın texnologiya nəhəngi Microsoft-dan maraqlı bir addım gəlib. Şirkət 1997-ci ildə buraxılmış əfsanəvi oyun Quake II-nin yeni versiyasını elan edib. Süni intellekt tərəfindən yaradılmış və Microsoft-un Copilot platformasının oyun inkişafı sahəsində imkanlarını nümayiş etdirmək üçün hazırlanmış bu yeni versiya, görünür, oyunçulara maraqlı təcrübə təqdim edir. Microsoft-un verdiyi açıqlamaya görə, Quake II-nin süni intellektin yaratdığı yeni versiyası demo çərçivəsində sınaqdan keçirilə bilər. Lakin hətta Microsoft bu demo versiyasının mükəmməl olmadığını etiraf edir. Sınaq zamanı yalnız demo versiyada gəzə bilmək mümkündür. Belə ki, canlılar bizə hücum edir, amma biz heç nə edə bilmirik.
Copilot tərəfindən yaradılmış Quake II-ni sınamaq istəyirsinizsə, buradakı linkdən istifadə edə bilərsiniz. Ancaq az əvvəl qeyd etdiyimiz kimi, oyunla bağlı çox gözləntiniz olmasın. Quake II-nin süni intellektlə yaradılmış versiyası çox yaxşı təcrübə təqdim etməsə də, sənayedəki inkişafları nümayiş etdirdiyi üçün diqqəti cəlb edəcək kimi görünür. Çünki süni intellektin tez bir zamanda yaratdığı kodlar, onlara düzəlişlər edilərək daha yaxşı hala gətirilə bilər. Bu, video oyun inkişaf prosesini sürətləndirəcək.
