Candymaker Mars Inc. uşaqdan böyüyə çoxlarının sevdiyi məşhur şokalad markası olan M&M, NFT və metaverse-ə müraciət edib. Son zamanlarda bir çox şirkətin metaverse kainatında özünə yer hazırladığı məlum məsələdir. Hətta keçən həftə dünyanın ən böyük şirkət və təşkilatlarından bəzilərinin mübahisəli metaverse texnologiyası ilə bağlı Metaverse Standards Forum tərtib etdiyini də sizinlə bölüşdük. Təbii ki, formun tərtibatçıları arasında Microsoft, Huawei, Meta, IKEA kimi şirkətlərin yer alması bizi təəccübləndirmir. Amma qida sənayesinə xidmət edən M&M şirkətinin metaverse və NFT-yə müraciət etməsi qəribə səslənir. Lakin şirkətin NFT və meta kainatına müraciət etmək üçün öz səbəbləri var.
M&M niyə Metaverse-də olacaq?
Belə ki, Metaverse-ə müraciət edən Candymaker Mars-ın vəkili Michael Kondoudis, verdiyi açıqlamada bildirib ki, bu müraciətin əsasında NFT-lər, rəqəmsal tokenlər, virtual konfetlər və qəlyanaltılar dayanır. NFT-lər hələ də bir çox insan və hətta Bill Gates kimi iş adamları tərəfindən mənasız görünsə belə M&M şokaladlarının NFT olması o qədər də təəccüblü vəziyyət deyil. Lakin şirkətin Metaverse-ə niyə müraciət etdiyi maraqlı gələ bilər. Cavab isə virtual şokaladlardır. Yəni şirkət metaverse-də virtual şokaladlar hazırlayacaq.
Əslində bir çox qlobal brendlərin Metaverse-ə müraciəti artıq trend vəziyyətinə gəlib. Məsələn ABŞ-ın ən məşhur restoran şəbəkələrindən biri olan Wendy’s də son aylarda NFT və Metaverse-ə müraciət etmişdi. Görünür ki, M&M-də meta dünyada yer alan şirkətlərdən biri olacaq.
Şirkət haqqında
Mars tərəfindən satılan rəngli muncuq formasında şokolad markası olan M&M adını şirkətin qurucuları Forrest Mars və Bruce Murrien-in soyadlarının baş hərflərindən götürüb. İlk dəfə 28 fevral 1941-ci ildə buraxılmışdı. Mars şirkəti 1950-ci ildən etibarən konfetin üzərinə ağ M hərfi çap etməyə başladı. 1954-cü ildə dünyaca məşhur M&M personajları ilk dəfə televiziyada çıxış etdilər. 1980-ci ildən bu şokoladlar bütün dünyada satıldı. Brendin ilk böyük müştərisi tropik iqlimdə əsgərlərin şokaladlarını əriməkdən saxlamağa kömək etmək məqsədi daşıyan ABŞ Müdafiə Nazirliyi olub. Məhsulları bu gün 100-dən çox ölkədə satılır. ABŞ-da hər gün 400 milyondan çox M&M istehsal olunur.
