Dünyanın ilk üçə qatlanan smartfonu Huawei Mate XT 2024-cü ilin sentyabr ayında Çində təqdim edildikdən sonra, qlobal bazara çıxarılır. Belə ki, şirkət artıq qlobal bazar üçün təyin edilmiş qiymətləri də elan edib.
İlk olaraq qeyd edək ki, yeni smartfon bağlı halda 6,4 düymlük FHD + (120Hz) ekrana malikdir. Ancaq onu yarıya qədər açdığınız zaman daha böyük 7,9 düymlük 2K ekran əldə edirsiniz. Amma əsl sehr ekranı tam açanda baş verir. Bu zaman smartfon 10,2 düymlük 3K ekrana sahib olur. Habelə, smartfon tam açıq vəziyyətdə cəmi 3,6 mm qalınlığa malikdir. Tam qatlandıqda bu rəqəm 12,8 mm-ə qədər artır. Müqayisə üçün qeyd edək ki, bu qalınlıq Galaxy Z Fold 6-nın 12,1 mm çərçivəsindən bir qədər yüksəkdir. Huawei bildirir ki, Huawei Mate XT digər qatlana bilən cihazlarla müqayisədə 25% daha davamlıdır.
Kamera tərəfində isə yeni cihaz OIS dəstəkli f/1.2 və f/4.0 diyaframları olan 50 MP kameraya, 5.5x optik böyütməyə sahib f/2.2 12MP ultra geniş kameraya və 12MP periskop telefoto kameraya sahib olub. Smartfonun ön hissəsində selfi və video zənglər üçün perforasiya edilmiş 8MP kamera sensoru var. Huawei Mate XT, bütün üç qatlı menteşə dizaynı ilə müqayisədə 5600mAh silikon karbon batareyası ilə gəlir. Onu da qeyd edək ki, 5600 mAs batareya həcminə sahib olan smartfonun 66W simli və 50W simsiz şarj dəstəyi var. Prosessor tərəfində isə smartfon öz gücünü Kirin 9010 prosessorunda əldə edir.
Qiymət tərəfində isə vəziyyət bir qədər fərqlidir. Bildiyimiz kimi, Çində təqdim edilərkən Huawei Mate XT modelini başlanğıc qiyməti 2800 avro kimi təyin edilmişdi. İndi isə bu rəqəm qlobal bazarda 3500 dollar olub. Müqayisə üçün desək, bu qiymət Galaxy Fold 6-nın qiymətindən təxminən iki dəfə bahadır.
