Fransa prezidenti Emmanuel Makron Fransanın süni intellektə 109 milyard avro xərcləyəcəyini açıqlayıb. Lakin, açıqlanan məbləğin bu sektor için kifayət edəcəyi gözlənilmir. Beləliklə, ölkələr artıq şirkətlərlə rəqabətə başlayır deyə bilərik və Fransa ilk addımı atıb.
Fransa prezidenti Emmanuel Makron diqqətçəkən açıqlama verib. Makron ölkəsinin süni intellekt sektoruna 109 milyard avro sərmayə qoymağa hazır olduğunu açıqlayıb. Ancaq burada diqqəti çəkən bir məqam var. 109 milyard avro kənardan baxanda çox böyük puldur. Bununla belə, bu pulun süni intellekt sektorunda o qədər də dəyəri yoxdur. Müqayisə üçün qeyd edək ki, ötən günlərdə Google şirkəti 2025-ci ildə süni intellekt sektoruna 75 milyard dollar xərcləyəcəyini açıqlamışdı. Bir şirkət bu qədər pul xərcləyə bilsə də, bütöv bir ölkənin xərcləyəcəyini açıqladığı pulun miqdarı əslində o qədər də çox deyil. Fransanın elan etdiyi 109 milyard dollarlıq investisiyaya baxmayaraq, ABŞ-ın son həftələrdə elan etdiyi 500 milyard dollarlıq məlumat mərkəzinin tikintisi layihəsi var.
Digər tərəfdən isə Google, Amazon, Microsoft və Meta kimi texnologiya nəhəngləri 2025-ci ildə süni intellektə 300 milyard dollardan çox pul xərcləyəcək. Lakin Makron belə düşünmür. Onun açıqlamasına görə, süni intellektə xərclənən pul ABŞ-ın 500 milyard dollarlıq sərmayəsinə bərabər olacaq. Süni intellekt sektorunda müharibə artıq başlayıb və həm ölkə, həm də özəl şirkətlər bu müharibənin qalibi olmaq üçün əllərindən gələni edirlər.
