Nvidia Blackwell seriyasının flaqman oyun qrafik kartı GeForce RTX 5090 PCB-nin ilk şəkili internetə sızdırılıb. Yeniliyin rəsmi təqdimatı gələn ayın əvvəlində keçiriləcək və mövcud məlumata görə, satışlar yanvarın sonundan əvvəl başlamayacaq.
Ortaya çıxan şəkillərdəki çap dövrə lövhəsi çox güman ki, RTX 5090-ın bəzi ümumi variantındandır. Çünkü, görüntülərdəki lövhə adi qrafik kartlardan olduqca böyükdüz və üzərində Nvidia işarələri yoxdur, ona görə də Founders Edition modeli deyil. Onun şəkilləri daha əvvəl oxşar sızmaların mənbəyi olan Chiphell forumunda dərc edilib. Digər tərəfdən, o, Nvidia-nın istinad dizaynı olan PG145 kartı üzərində qurulub. GDDR7 qrafik yaddaşının tərtibatı Google Android loqosunu xatırladır: solda və sağda hər biri beş çip, GPU-nun üstündə dörd və aşağıda iki çip.
Qeyd edək ki, Nvidia GeForce RTX 5090, qablaşdırma daxil olmaqla 24 × 31 mm – və 63 × 56 mm ölçülü GB202 GPU ilə təchiz edilmişdir. Lövhədə yalnız bir güc konnektoru var və çox güman ki, 12V-6×2-dir. Nəhayət, görünüş qrafik kartının PCIe 5.0 interfeysi vasitəsilə qoşulduğunu göstərir. Habelə, qrafik kartı ümumilikdə 16 moduldan ibarətdir ki, bu da nəzəri olaraq istifadə olunan modullardan asılı olaraq 32, 48 və ya 64 GB konfiqurasiyaya imkan verir: 2 GB, 3 GB və ya 4 GB.
