Çin 2027-ci ildə GPS-ə rəqib olmaq üçün yeni nəsil Beidou yerləşdirmə və naviqasiya sistemini sınaqdan keçirəcək. Verilən açıqlamaya görə, yeni nəsil Beidou naviqasiya sistemi 2035-ci ilə qədər aktiv olacaq.
Beləliklə, bir sıra qlobal təsirləri meydana gələ biləcək bir addım atıb və 2035-ci ilə qədər gələcək nəsil Beidou yerləşdirmə və naviqasiya sistemini inkişaf etdirmək üçün strateji yol xəritəsini açıqlayıb. Çin indi GPS naviqasiya sisteminə dişli rəqib olaraq Beidou sistemini təqdim edib. Strateji yol xəritəsinə əsasən, Çin ilk sınaq peyklərini 2027-ci ildə buraxmağı planlaşdırır. Hətta bu naviqasiya sisteminin Çin üçün hərbi əhəmiyyət kəsb edəcəyi də bildirilir.
Noyabrın 28-də Çin Peyk Naviqasiya Sistemi İdarəetmə Ofisi (CNSO) tərəfindən elan edilmiş plana əsasən, yeni nəsil Beidou sisteminin əsas texnologiyalarının tədqiq və inkişaf prosesi 2025-ci ilə qədər tamamlanacaq. Qeyd edək ki, bu araşdırmalardan sonra 2027-ci ildə üç sınaq peyki orbitə buraxılacaq. Yeni nəsil Beidou sisteminin şəbəkə peyklərinin 2029-cu ildə buraxılması və sistemin tikintisinin 2035-ci ilə qədər başa çatdırılması hədəflənir. Çin artıq qlobal yerləşdirmə, naviqasiya və vaxt təyini xidmətləri göstərən 30 peykdən ibarət Beidou sisteminə malikdir. Bu sistemdə ehtiyat nüsxələri istisna olmaqla, hər bir cərgədə səkkiz ədəd olmaqla orta Yer orbitində 24 peyk mövcuddur. Bundan əlavə, hər biri meylli və sabit geosinxron orbitdə 3 ədəd peyk var.
