Apple-ın maraqla gözlənilən iPhone SE 4 modelinin mümkün təqdimat tarixi paylaşılıb. Belə ki, növbəti sərfəli iPhone OLED panel və digər bir çox xüsusiyyətləri ilə qarşımızda olacaq.
Bildiyimiz kimi, Apple-ın növbəti büdcədostu iPhone modeli iPhone SE 4 bir müddətdir ki, gündəmdədir. Bundna əlavə, iPhone SE 3 satış gözləntiləri aşağı düşmüş, iPhone SE 4 isə ötən il təqdim edilməmişdi. Buna görə də, bütün gözləntilər yeni SE modelinə çevrilir. Ötən saatlarda iPhone SE 4-ün mümkün təqdimat tarixi məlum olub. iPhone SE 4-ün ön tərəfində kiçik bir çəntik ilə iPhone 14 əsasında olacağı gözlənilir. Arxa tərəfdə tək sensordan ibarət kamera modulu olacaq.
İndi yeni ortaya çıxan hesabat, bu sensora cavabdeh olacaq LG Innotek-in daxili testlərə başladığını ortaya çıxarıb. Təchizat mərhələsi isə cihazın satışa çıxarılmasından üç ay əvvəl baş tutacaq. Bu onu göstərir ki, iPhone SE 4 ən geci gələn ilin əvvəlində, yəqin ki, yazda çıxacaq. Əvvəllər bildirilmişdi ki, Apple cihazı 2025-ci ilin yazında təqdim edəcək və bu, mart-iyun aylarını əhatə edir. Buna görə də, deyə bilərik ki, iPhone SE 4 modelinin təqdimat tarixi gözləniləndən daha tez ola bilər. Qeyd edək ki, bu model Touch ID əvəzinə Face ID texnologiyasından istifadə edəcək. Ən təəccüblü yeniliklərdən biri Apple Intelligence dəstəyi olacaq. Bu funksiya hazırda yalnız iPhone 15 Pro, iPhone 15 Pro Max və yeni iPhone 16 modellərində mövcuddur. Digər tərəfdən, iPhone SE 4 daha böyük 6,1 düymlük OLED ekrana sahib olacaq. Performans baxımından iPhone SE 4-ün keçən ay iPhone 16 seriyasında satışa çıxarılan A18 çipi ilə təchiz ediləcəyi deyilir.
